Земляны папугай (Pezoporus wallicus) — птушка сямейства папугаевых. Адзіны від роду.
Хуткія факты Навуковая класіфікацыя, Міжнародная навуковая назва ...
Закрыць
Даўжыня да 30 см. Афарбоўка апярэнне някідкая, сціплая, у асноўным зялёна-жоўтага колеру з папярочнымі чорнымі палосамі. Чэрава, шыя і ніжняя частка цела жаўтавата-зялёныя, верхні бок зялёны, лоб чырвоны. Афарбоўка рулявых пёраў зялёная з жоўтымі палоскамі. Кіпцюры, у адрозненне ад іншых папугаяў, у яго прамыя і даволі доўгія.
Насяляе ў паўднёвай частцы Аўстраліі і на Тасманіі.
Жывуць у багністых месцах і пясчаных неўрадлівых участках. Жывуць па адзіночцы і парамі. Вельмі спрытна бегаюць у траве, а лятаюць даволі дрэнна, толькі ў выпадку небяспекі, калі не можа ўцячы, але праляцець можа не больш за 200 м, апускаючыся ўніз, ён не парыць, а быццам бы падае на зямлю, дакранаючыся яе чэравам. Яго палёт падобны да палёту курыных птушак.
Гнездавы перыяд прыпадае на верасень-снежань. Гэта адзіны папугай, які не будуе гнёздаў, а яйкі адкладае прама на зямлю або ў розныя паглыбленні і рытвінкі. У поўнай кладцы 4 яйкі, маладыя вылятаюць праз 25 дзён пасля вылуплення.
