Землетрасенне ў Японскім моры (2024)
From Wikipedia, the free encyclopedia
1 студзеня 2024 года ў прэфектуры Ісікава (Японія) адбыўся моцны землятрус магнітудай 7,6. Стыхійнае бедства стала наймагутным землетрасеннем у Японскім моры з 1983 года, выклікаўшы цунамі[7].
| Землетрасенне ў Японскім моры | |
|---|---|
 | |
| Афіцыйная назва | яп.: 令和6年能登半島地震[1] |
| Краіна | |
| Знаходзіцца ў адміністрацыйнай адзінцы | |
| Месцазнаходжанне | |
| Дата | 1 студзеня 2024[2] |
| Колькасць параненых | 1 299[3] |
| Колькасць загінулых |
|
| Earthquake magnitude on the moment magnitude scale | 7,5[4] |
| Modified Mercalli intensity scale | Mercalli scale IX[d][4] |
| Вертыкальная глыбіня | 10 км[4] і 16 км[5] |
 | |
 | |
| Разлом | plate boundary[d] |
| JMA Seismic Intensity Scale | shindo 7[d][6] |
| JMA Magnitude | 7,6[6] |
  | |
 Медыяфайлы на Вікісховішчы | |
Станам на 1 лютага паведамлялася пра 240 загінулых, 15 абвешчаны прапаўшымі без вестак[8].
У дадзеным рэгіёне на працягу трох гадоў запар фіксаваліся шматлікія землетрасенні. Апошні буйны штуршок сілай у 6,3 МВт адбыўся ў маі 2023 года[9].
Японія размешчана на мяжы паміж Ціхім акіянам, Філіпінскім морам, Ахоцкай і Амурскай плітамі. Уздоўж усходняга і паўднёва-ўсходняга ўзбярэжжа астраўной дугі субдукцыя Ціхаакіянскай і Філіпінскай марскіх пліт адбываецца адпаведна ў Японскім і Нанкайскім жолабе. Усходняе ўзбярэжжа Хансю, якое мяжуе з Японскім морам, з’яўляецца канвергентнай мяжой і цягнецца з поўначы на поўдзень[10]. Лічыцца, што гэтая мяжа паміж Амурскай і Ахоцкай плітамі з’яўляецца пачатковай зонай субдукцыі[11]. Канвергентная тэктоніка назіраецца ў рэгіёне з канца пліяцэну[12].
У дзень землетрасення Японскае метэаралагічнае агенцтва выдала папярэджанне аб цунамі для чатырох прыбярэжных прэфектур[13]. Агенцтва паведаміла, што пасля землятрусу 2011 года папярэджанняў аб сур’ёзным цунамі не абвяшчалася. Расія таксама абвясціла папярэджанне аб цунамі для гарадоў Уладзівасток і Находка. Каля 16:21 UTC+9 порта Вадзіма дасягнулі хвалі вышынёй 1,2 м[14].
У Вадзіме абрынулася не менш за 50 дамоў[15][16]. У 17:00 тут таксама здарыўся пажар, але з-за пашкоджаных дарог ратавальнікі не змаглі патушыць полымя[17], якое ахапіла шэраг дамоў[18]. У горадзе пацярпелі больш за 30 чалавек, яшчэ больш траўмаў зафіксавана ў Судзу[19]. У Нанаа два чалавекі загінулі ў выніку абвальвання дома[20][21]. Адзін чалавек загінуў і яшчэ адзін атрымаў раненні ў выніку абвальвання двух дамоў у Сіка[22].
У гарадах прэфектуры Таяма зарэгістраваны расколіны на дарогах і паломкі вадаправода[23]. У горадзе Ніігата здарылася разрэджванне грунту; каналізацыйныя трубы таксама былі разбураны, і многія дамы засталіся без вады[24]. На галоўную хуткасную аўтамагістраль паміж Таямай і Канадзавай абрынуўся апоўзень[25].
Прэм’ер-міністр Фуміа Кісіда абвясціў аб стварэнні спецыяльнага цэнтра па надзвычайных сітуацыях для збору і распаўсюджвання інфармацыі аб землятрусе і цунамі[26]. Для аказання дапамогі былі прыцягнуты вайскоўцы[27]: у пацярпелыя раёны накіраваны 1000 байцоў сіл самаабароны. Для ацэнкі шкоды таксама было адпраўлена каля 20 армейскіх самалётаў[28].
Адначасна пачаліся праверкі на атамных электрастанцыях[29][30][31].
Пасля землятрусу ў Цэнтральнай і ўсходняй частках Японіі быў прыпынены рух цягнікоў Сінкансэн[32], у выніку чаго прынамсі 1400 пасажыраў апынуліся ў чатырох спыненых цягніках[33]. Некалькі буйных аўтамагістраляў у пацярпелых раёнах таксама былі зачыненыя[34]. Авіякампаніі All Nippon Airways і Japan Airlines адмянілі рэйсы ў прэфектуры Таяма, Ісікава і Ніігата[31].
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
