ЕС ПЭВМ

ЕС ПЭВМ — персанальныя камп’ютары серыі ЕС (Единой Системы), у асноўным, савецкія клоны персанальных камп’ютараў IBM PC, распрацаваныя ў 1980-я гады ў НИИЭВМ (г. Мінск). Вырабляліся на Мінскім вытворчым аб’яднанні вылічальнай тэхнікі (МВА ВТ), некаторыя мадэлі — на Брэсцкім электрамеханічным заводзе і ў краінах СЭВ (ГДР, Балгарыя).

ЕС-1863 і ЕС-1849.

Мадэльны рад

Мадэль	Сканч. распрацоўкі	Дзе вырабляліся	Гады вырабу	выраблена, шт.
ЕС-1834	1986	Robotron, ГДР
ЕС-1835	1989	Robotron, ГДР
ЕС-1839		Ізот, НРБ
ЕС-1840	1986	МВА ВТ	1986 — 1989	7461
ЕС-1841	1987	МВА ВТ	1987 — 1995	83937
ЕС-1842	1988	МВА ВТ	1988 — 1996	10193
ЕС-1843	1990	МВА ВТ	1990 — 1993	3012
ЕС-1845	1988	Брэст	1989 — ?
ЕС-1849	1990	МВА ВТ	1990 — 1997	4966
ЕС-1850	1989
ЕС-1851	1991	МВА ВТ	1991 — 1997	3142
ЕС-1855	1991	Брэст	1992 — ?
ЕС-1863	1991	МВА ВТ	1991 — 1997	3069
ЕС-1864	1991
ЕС-1865	1992

ЕС-1834

Асноўны артыкул: de:EC 1834

Персанальны камп’ютар вытворчасці фабрыкі «Robotron» (ГДР). Клон IBM PC/XT.

ЕС-1835.

ЕС-1835

Асноўны артыкул: de:EC 1835

Персанальны камп’ютар вытворчасці фабрыкі «Robotron» (ГДР). Клон IBM PC/AT.

ЕС-1839

Персанальны камп’ютар вытворчасці фабрыкі «Ізот» (Балгарыя). Больш вядомы як «Правец 16». Клон IBM PC/XT.

АЗП — 512 кілабайтаў.

ЕС-1840

16-разрадны IBM PC-сумяшчальны камп’ютар збудаваны на працэсары К1810ВМ86 (аналаг Intel 8086) з тактавай частатой 4,77 МГц.

• АЗП ад 512 Кбайт да 1 Мбайт.
• Дысплей CGA-сумяшчальны, 80×25 сімвалаў, як правіла, манахромны (дадаткова была магчымасць праграмнай замены знакагенератара на рускі шрыфт у разнастайных кадзіроўках).
• Інтэрфейсы: паралельны (Centronics), паслядоўны (С2).
• Клавіятура: 90 клавіш.
• Знешнія прылады: адзін ці два 5¼-дзюймовых назапашвальніка на гнуткіх магнітных дысках, матрычны прынтар ЕС-7189, Epson, Star, D100M ці MP80.

У якасці праграмнага забеспячэння выкарыстоўваліся:

• аперацыйная сістэма Альфа-ДОС (клон MS-DOS)
• аперацыйная сістэма «ЯНУС» версія 2.0 (клон MS-DOS)
• Бэйсік-86 (аналаг ROM BASIC IBM PC Basic)

ЕС-1841

Сумяшчальная з IBM PC і ЕС-1840 16-разрадная ПЭВМ на працэсары К1810ВМ86 з частатой 4,77 МГц, АЗП да 1 МБ; два НГМД; НМД тыпу «вінчэстар» на 5,10 ці 21 МБ Seagate. Відэаадаптар CGA з падтрымкай растравай графікі 160×100, 320×200, 640×200 пунктаў.

Таксама існавала мадыфікацыя ЕС-1845 — гэта ЕС-1841 для спецыяльнага ўжывання. Кнопка «TURBO» адсутнічала.

ЕС-1842

IBM PC XT/AT сумяшчальная 16-разрадная ПЭВМ з АЗП да 2 Мб на працэсары К1810ВМ86М (магчымасць эмуляцыі i80286) з тактавай частатой 10 МГц; два НЦМД ёмістасцю 720 Кб; НМД тыпу «вінчэстар» на 20 Мб, хуткасць абмену 5 Мбіт/с. Дысплей чорна-белы ці каляровы, EGA, 16 і 64 градацый яркасці ці колераў, тэкставы рэжым — 25 альбо 43 радкі па 80 сімвалаў, графічныя рэжымы да 640 × 350 пунктаў. Універсальная клавіятура, 110 клавіш, у тым ліку 12 функцыянальных. Маніпулятар тыпу «мыш». Інтэрфейсы: паралельны (ИРПР-М), паслядоўны (С2), інтэрфейс лакальнай сеткі «Эстафета».

Лакальная сетка «Эстафета» — кальцавая, да 125 камп’ютараў, адлегласць паміж машынамі не больш за 1500 м, хуткасць перадачы даных 200—500 Кбіт/с.

Таксама вырабляліся ЕС-1855 — мадыфікацыя ЕС-1842 для спецыяльнага ўжывання.

ЕС-1843

Аналаг IBM PC/AT. АЗП да 4 МБ, тактавая частата 8 МГц. Паводле іншых звестак — удасканаленая мадэль ЕС1841, сумяшчальная паводле плат і кошыка, але атрымаўшая новы настольны корпус і больш магутны блок сілкавання. ПЭВМ камплектавалася адным назапашвальнікам на гнуткіх магнітных дысках аб’ёмам 800К, назапашвальнікам на цвёрдых магнітных дысках СМ5509 вытворчасці Балгарыі і каляровым маніторам.

ЕС-1845

Аналаг ЕС-1841 для спецыяльнага (ваеннага) ужытку.

ЕС-1849

ЕС 1849.

IBM PC AT сумяшчальная 16-разрадная ПЭВМ. Працэсар тыпу i80286 ці am80286 з тактавай частатой 12 МГц, з магчымасцю ўсталявання матэматычнага сапрацэсара i80287. НЦМД да 40 МБ з інтэрфейсам MFM і НМД 5.25" да 1.2 МБ. Манітор з разрозненнем CGA/EGA/VGA. ISA-слаты + слот для дадатковай платы, што адносіцца да мацярынскай платы, дзе знаходзіўся працэсар і АЗП.

ЕС-1850

16/32-разрадная ПЭВМ на тактавай частаце 2,5 МГц, АЗП да 2 МБ. Аналаг IBM XT/370.

Таксама выпускалася ЕС-1865 — мадыфікацыя ЕС-1850 для спецыяльнага ўжытку.

ЕС-1851

Поўнасцю (апаратна, канструктыўна і праграмна) сумяшчальная з PC/XT.

ЕС-1863

32-разрадная ПЭВМ.

Працэсар — Intel 80386SX 20 Мгц. Маецца сокет для матэматычнага сапрацэсара i80387.

Памяць — да 16 МБ (набіраецца мікрасхемамі ў DIP-карпусах). Чыпсэт — VLSI VL82C311.

Маецца 6 16-разрадных ISA-слатоў і 1 8-разрадны ISA-слот.

Відэакарта, кантролеры партоў, дыскавода і цвёрдага дыска выкананы ў выглядзе ISA карт пашырэння.

Відэакарта — EGA. Відэапамяць 256 КБ набрана мікрасхемамі КР565РУ5. Таксама вырабляліся мадэлі з VGA-картамі.

Кантролер партоў змяшчае 1 COM і 1 LPT порт.

Кантролер цвёрдых дыскаў падтрымлівае 2 MFM-прылады. Дыскавод — TEAC FD-550FR, 5¼"

Цвёрды дыск — Seagate ST-4096 (MFM, 5¼" поўнапамерны, ёмістасць— 80 Мб, максімальная хуткасць перадачы даных — 5 Мбіт/с, сярэдні час доступу — 28 мс)

Камп’ютар цалкам змяшчаецца ў корпусе тыпа «дэсктоп».

ЕС-1864

32-разрадная ПЭВМ.

Эмуляцыя

Эмулятар MESS мае драйверы ec1840 і ec1841. На 21 жніўня 2012 яны яшчэ не скончаны (у прыватнасці — не эмулюецца родная клавіятура і цвёрды дыск), але магчыма работа з дыскет і праходзіць частка тэстаў з камплекта ТПС (тэставых праграмных сродкаў).

Спасылкі

• Фотографии в рабочем состоянии, снаружи и изнутри ПЭВМ ЕС-1841 (увеличение по клику мышью)
• ЕС-1842 Архівавана 14 чэрвеня 2008.
• Тэхнічнае Апісанне ППЭВМ «ЕС-1841» (кадзіроўка CP-866)
• Віртуальны камп’ютарны музей — Персанальныя ЭВМ Адзінай сістэмы і сямействы ВМ
• Фатаграфіі ЕС-1834, ЕС-1845 і іншых айчынных калькулятараў і камп’ютараў Архівавана 13 чэрвеня 2007.
• Музей камп’ютарнай тэхнікі кампаніі ЛИССИ
• 45-е (гумарыстычнае апавяданне аб ЕС-1845)