Дулгалах

Дулгала́х (руск.: Дулгала́х^[1], руск.: Дулгалаах^[2], якуцк.: Дулҕалаах) — рака ў Азіяцкай частцы Расіі, у Рэспубліцы Саха (Якуція), левы складнік ракі Яна (басейн мора Лапцевых).

Дулгалах
руск. Дулгалах, як. Дулҕалаах
Характарыстыка
Даўжыня	507 км
Басейн	27 300 км²
Расход вады	101 м³/с
Вадацёк
Выток
• Месцазнаходжанне	Верхаянскі хрыбет
• Вышыня	больш за 1000 м
• Каардынаты	64°55′50,50″ пн. ш. 130°13′07,90″ у. д.HGЯO
Вусце	Яна
• Каардынаты	67°27′47,16″ пн. ш. 133°14′56,40″ у. д.HGЯO
Размяшчэнне
Водная сістэма	Яна → мора Лапцевых
Краіна	Расія
Рэгіён	Якуція
Код у ДВР	18040100112117700007827
выток вусце
— выток, — вусце
Медыяфайлы на Вікісховішчы

Даўжыня ракі 507 км. Плошча вадазбору 27 300 км². Сярэдні расход вады 101 м³/с (каля сяла Тамтор)^[3], сярэдні аб’ём сцёку 3,188^[3] км³/год. Выток ракі знаходзіцца на паўночных схілах Верхаянскага хрыбта, на вышыні больш за 1000^[3] м. Працякае праз возера Сююрээн-Кюёль (Сюрэн-Кёль)^[2]. Зліваючыся з ракой Сартанг утварае раку Яна. У верхнім цячэнні (да вусця ракі Хабах) Дулгалах мае горны характар^[3]. Ніжэй рэчышча дзеліцца на шматлікія рукавы, цячэнне больш павольнае. У ніжнім цячэнні (100 км ад вусця) рака мае раўнінны характар, рэчышча меандруючае, шырынёй 200—600^[3] м. Жыўленне ракі снегавое і дажджавое. Замярзае ў першай палове кастрычніка. Перамярзае. Утвараюцца наледзі. У басейне ракі больш за 1100^[3] азёр.

Суднаходная на адлегласці 174^[1] км ад вусця. Сплаўная.

Прытокі: Правы Таастаах, Ааллаах, Талаа-Юрэх, Улахан-Танык, Кыра, Сатагай, Эсэлээх, Цінэгэ, Барчасыт, Ылбайдаах, Мас-Хайдыбыт, Таала-Юрэх, Улага, Кііл, Кюёрэгэй, Кураанах-Кюёрэгэй, Улахан-Юрюйэ, Кюёнкю, Эчый, Нэс-Юрюйэтэ, Кюёль-Юрэх, Кёнё-Юрэх, Курунг-Юрэх, Аартык-Юрэх, Сууйбут, Айтыкаан, Тысы-Кыыл, Таал-Юрэх, Саха-Юрэгэ, Хабах, Сілээн, Кюёркэт, Баянджа, Негернерджа, Учагын, Граніца і інш.^[2]

Зноскі

1. ГЭС 1983.
2. Река Дулгалаах // Государственный водный реестр РФ (руск.)
3. Виноградова Н. Н. Дулгалах // Научно-популярная энциклопедия «Вода России»

Літаратура

• Дулгала́х // Географический энциклопедический словарь: Географические названия (руск.) / Гл. ред. А. Ф. Трёшников; Ред. кол.: Э. Б. Алаев, П. М. Алампиев, А. Г. Воронов и др. — М.: Сов. энциклопедия, 1983. — С. 141. — 538 с. — 100 000 экз.

Спасылкі

• Река Дулгалаах // Государственный водный реестр РФ (руск.)
• Виноградова Н. Н. Дулгалах // Научно-популярная энциклопедия «Вода России»
• Dulgalakh At Tomtor (Dulgalakhskiy) // A Regional, Electronic, Hydrographic Data Network For the Arctic Region (R-ArcticNET) (англ.)