Гусіна (вёска, Краснінскі раён)

У паняцця ёсць і іншыя значэнні, гл. Гусіна.

Гусіна^[2] (руск.: Гу́сино) — вёска ў Краснінскім раёне Смаленскай вобласці Расіі. Адміністрацыйны цэнтр Гусінскага сельскага паселішча.

Вёска Гусіна Краіна  Расія Суб’ект федэрацыі Смаленская вобласць Муніцыпальны раён Краснінскі раён Каардынаты 54°43′41″ пн. ш. 31°22′12″ у. д.HGЯO Плошча 5,55 км² Насельніцтва ▲3 092 чал. (2021)[1] Тэлефонны код 48145 Паштовыя індэксы 216117 Код АКАТП 66224830006 Гусіна на карце Расіі ±

У вёсцы размешчана чыгуначная станцыя Гусіна на лініі Смаленск — Орша.

Гісторыя

Вядома з часоў Рэчы Паспалітай пад назвай Гусценіа^{[крыніца?]}. У 1905 г. аб чыгуначнай станцыі Гусіна гаворыцца як аб вялікім перавалачным пункце дроў і лясных матэрыялаў (700 тыс. пудоў)^[3]. Да 1917 г. належала да Аршанскага павета Магілёўскай губерні Расійскай імперыі, развівалася як паселішча гандляроў і рамеснікаў пры чыгуначнай станцыі.

З 1919 года тэрыторыя ў складзе РСФСР. Паводле перапісу 1923 г. Гусіна — пасёлак гарадскога тыпу Смаленскага павета з насельніцтвам 546 чал., з іх 70 % насельніцтва яўрэйскай нацыянальнасці; рускай — 22 %, беларускай — 6 % і іншых — 2 %^[3]. З 1929 г. паселішча ў складзе Краснінскага раёна.

У гады Вялікай Айчыннай вайны пад нямецкай акупацыяй з ліпеня 1941 года, вызвалена ў верасні 1943 года^[4]. У ліпені 1941 г. на поўдзень ад пасёлка савецкая 57-ая танкавая дывізія вяла абарончыя баі ля пераправы цераз Дняпро. У перыяд акупацыі дзейнічала падпольная група^[3].

Вядомыя асобы

• Іван Рыгоравіч Аўчыннікаў — беларускі пісьменнік

Зноскі

1. https://rosstat.gov.ru/storage/mediabank/tab-5_VPN-2020.xlsx

   <a href='https://wikidata.org/wiki/Track:Q126684906'></a>
2. Напісанне ў адпаведнасці з ГКНП 13-012-2011 «Тэхнічная інструкцыя па перадачы найменняў геаграфічных аб’ектаў з рускай мовы на беларускую мову»
3. krasniy.admin-smolensk.ru
4. Вызваленне Смаленшчыны./Энцыклапедыя Смаленскай вобласці Архівавана 27 жніўня 2016.