Чыгуначны вакзал станцыі Віцебск размешчаны ў аднайменным горадзе на цэнтральнай восі Прывакзальнай плошчы, замыкае перспектыву вуліцы Кірава. Адрас — вуліца Касманаўтаў, 8.
Славутасць | |
Віцебскі чыгуначны вакзал | |
---|---|
![]() | |
55°11′42″ пн. ш. 30°11′09″ у. д.HGЯO | |
Краіна | |
Месцазнаходжанне | |
Архітэктурны стыль | савецкі класіцызм[d] |
Архітэктар | Барыс Сяргеевіч Мезенцаў[d] |
Дата пабудовы | 1866 год |
Першы будынак вакзала станцыі Віцебск быў пабудаваны ў 1866 годзе — каменны, трохпавярховы, з пешаходным пераходным мостам закрытага тыпу на пасажырскія платформы. У 1912 годзе вакзал быў пашыраны за кошт прыбудовы аднапавярховага будынка. На ніжнім паверсе размяшчаліся залі для пасажыраў І, ІІ, ІІІ класаў, тэлеграф і паштовае аддзяленне. На верхніх паверхах знаходзіліся службовыя кабінеты і жылыя памяшканні.
![Thumb](http://upload.wikimedia.org/wikipedia/commons/thumb/8/89/Viciebsk%2C_Vakzalny._%D0%92%D1%96%D1%86%D0%B5%D0%B1%D1%81%D0%BA%2C_%D0%92%D0%B0%D0%BA%D0%B7%D0%B0%D0%BB%D1%8C%D0%BD%D1%8B_%281930-39%29.jpg/640px-Viciebsk%2C_Vakzalny._%D0%92%D1%96%D1%86%D0%B5%D0%B1%D1%81%D0%BA%2C_%D0%92%D0%B0%D0%BA%D0%B7%D0%B0%D0%BB%D1%8C%D0%BD%D1%8B_%281930-39%29.jpg)
Падчас Вялікай Айчыннай вайны стары будынак вакзала быў цалкам разбураны, сучасны тэрмінал быў пабудаваны ў 1952 годзе.
На будынку былі ўстаноўлены дзве мемарыяльныя дошкі: у 1965 годзе ў памяць аб выступленні М. І. Калініна на мітынгу чыгуначнікаў 12 чэрвеня 1919 года і ў 1966 годзе ў гонар 100-годдзя віцебскага чыгуначнага вузла.
У канцы 2009 года пачалася рэканструкцыя будынка вакзала, якая завершылася ў ліпені 2010 года.
Цяперашні будынак вакзала пабудаваны ў 1952 годзе. Архітэктар — Барыс Мезенцаў . Двухпавярховы будынак у стылі савецкага неакласіцызму. Складаецца з прастакутных у плане цэнтральнага і двух бакавых аб’ёмаў. Галоўны фасад цэнтральнага корпуса выдзелены трыма шырокімі ваконнымі арачнымі праёмамі і дэкараваны карынфскімі калонкамі, ляпнымі прастакутнымі нішамі, барэльефамі. Пасярэдзіне галоўнага фасада ўсталяваны гадзіннік.
- Вакзал да рэканструкцыі, 2009 год
- з боку горада
- з боку чыгуначных пуцей
![Thumb](http://upload.wikimedia.org/wikipedia/commons/thumb/4/4e/Stamp_Soviet_Union_1955_CPA_1848.jpg/640px-Stamp_Soviet_Union_1955_CPA_1848.jpg)
У інтэр’еры былі ўжытыя мармуровае аздабленне, ляпныя дэталі, разеткі ў столі, масіўныя люстры. У савецкі час вісела вялікае палатно, якое ўяўляла сабой рэпрадукцыю карціны «Улада Саветам — мір народам». У адрозненне ад арыгінала, замест Сталіна побач з Леніным намаляваны чалавек у зялёнай папасе. У 90-я гады дэмантавана, цяпер вісіць у холе будынку УП «Віцебскжылпраект» (вуліца Праўды, 38)[1].
![Thumb](http://upload.wikimedia.org/wikipedia/commons/thumb/3/3b/Pahonia_Emblem_as_stained-glass_window_at_Viciebsk_main_station_-_panoramio.jpg/640px-Pahonia_Emblem_as_stained-glass_window_at_Viciebsk_main_station_-_panoramio.jpg)
У сакавіку 1992[2] года на другім паверсе, у залі чакання, у высокіх шыбах былі ўсталяваныя вітражы. Аўтар — мастак-графік Вікенцій Ральцэвіч. У цэнтральным акне была выява герба «Пагоня», ніжэй якога быў надпіс «Беларусь» на бел-чырвона-белым фоне. У вокнах паабапал былі выявы гербаў шасці абласных гарадоў краіны. Падчас рэканструкцыі 2009—2010 гадоў замест вітражоў было ўсталявана стандартнае таніраванае люстэркавае шкло[3].
У 2009—2010 гадах праведзена рэканструкцыя будынка вакзала, падчас якой было абноўлена ўнутранае і знешняе аздабленне. Колер фасада з ружовага стаў бела-жоўтым, на карнізе будынка з’явіліся надпісы: з боку горада — «ВАКЗАЛ», а з боку чыгуначных пуцей — «ВІЦЕБСК». Драўляныя шыбы змянілі на шклопакеты.
У інтэр’еры з’явіліся новыя люстры і электронныя інфармацыйныя табло, усталяваныя два ліфты з панарамнымі кабінамі. На першым паверсе ў цэнтральнай частцы вакзала — 7 білетных кас далёкага накіравання і даведачнае бюро. Таксама на першым паверсе знаходзяцца крамы, шапікі, кавярня, камеры захоўвання, медпункт, памяшканне для супрацоўнікаў транспартнай міліцыі. На другім паверсе — дзве залы чакання. Адна з іх транзітная, дзе таксама размешчаны рэстаран, аптэка, банк, салон аператара сувязі. Другая зала чакання — платная, для пасажыраў цягнікоў далёкага накіравання. У платнай залі — кінатэатр-атракцыён 5D.
- Вакзал пасля рэканструкцыі
- з боку горада
- з боку чыгуначных пуцей
- Куда отправили картину «Власть Советам — мир народам» с железнодорожного вокзала Витебска (руск.). vkurier.by (15 лютага 2019). Праверана 26 сакавіка 2021.
- 5 мест в Витебске, где можно было увидеть «Погоню». Даже в Советские годы она не была под запретом (руск.). vkurier.info (5 кастрычніка 2020). Праверана 24 сакавіка 2021.
- Сяржук Серабро. У Віцебску знішчаны ўнікальны комплекс вітражоў . vitebsk.cc (11 лютага 2010). Праверана 26 сакавіка 2021.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.