Віфанія
From Wikipedia, the free encyclopedia
Віфа́нія (арам.: בית עניא, грэч. Βηθανία) — паселішча, згаданае ў Новым Запавеце як родны горад Лазара, Марыі і Марфы (Ін. 11:1). У гэтым горадзе знаходзіўся Ісус Хрыстос напярэдадні ўрачыстага ўезду ў Іерусалім.
Традыцыйна атаясамляецца з паселішчам (цяпер горадам) Аль-Азары́я (араб. العيزريه) (або «Азарыех», назвы ўтвораны ад імя Лазар і азначаюць «месца Лазара») на Заходнім беразе ракі Іардан, прыкладна ў 3 км на ўсход ад Іерусаліма (фактычна прыгарад Усходняга Іерусаліма). Размешчаны на паўднёва-ўсходнім схіле Елеонскай гары.
![Thumb image](http://upload.wikimedia.org/wikipedia/commons/thumb/6/6d/RaisingofLazarusBloch.jpg/320px-RaisingofLazarusBloch.jpg)
Галоўнай славутасцю Аль-Азарыі з'яўляецца магіла Лазара. З IV стагоддзя з'яўляецца месцам паломніцтва хрысціян.