Вялікая камета
From Wikipedia, the free encyclopedia
Вялікімі каметамі (англ.: Great comets) завуць каметы, якія становяцца асабліва яркімі і прыкметнымі для зямнога назіральніка. У сярэднім, вялікая камета з'яўляецца раз у дзесяцігоддзе.
Цяжка прадказаць, ці стане камета «вялікаю», бо на яркасць могуць моцна паўплываць розныя фактары. Але кажучы наогул, калі ў каметы вялікае і актыўнае ядро, яна падлятае блізка да Сонца і яно не перашкаджае яе назіранню з Зямлі, то ў каметы ёсць усе шанцы атрымаць назву «вялікай».
Звычайна каметы атрымліваюць назву ў гонар іх першаадкрывальнікаў. Вялікія каметы традыцыйна завуцца паводле года назірання, напрыклад, «Вялікая камета 1811 года».