![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c0/Der_erste_Schritt._Birmanische_Familiengruppe._Frau_im_Tamein._%2528Phot._M._Ferrars.%2529.jpg/640px-Der_erste_Schritt._Birmanische_Familiengruppe._Frau_im_Tamein._%2528Phot._M._Ferrars.%2529.jpg&w=640&q=50)
Выхаванне
From Wikipedia, the free encyclopedia
Выхаванне — перадача новым пакаленням грамадска-гістарычнага вопыту папярэдніх пакаленняў у адпаведнасці з нацыянальнымі інтарэсамі дзяржавы. У больш вузкім сэнсе - працэс свядомага мэтанакіраванага і сістэматычнага фармавання асобы пад уздзеяннем сацыяльных інстытутаў (сям'і, выхаваўчых, навучальных і культурна-асветных устаноў грамадскіх арганізацый, сродкаў масавай інфармацыі і інш.) з мэтай яе падрыхтоўкі да выканання сацыяльных роляў і жыццядзейнасці ў розных сферах грамадскага жыцця. У псіхалогіі - планамернае і мэтанакіраванае ўздзеянне на свядомасць і паводзіны чалавека з мэтай фармавання пэўных установак, паняццяў, прынцыпаў, каштоўнасных арыентацый, якія забяспечваюць неабходныя ўмовы для яго развіцця. Выхаванне арганічна звязана з навучаннем, а яго змест вызначаецца найперш мэтамі.
![Thumb image](http://upload.wikimedia.org/wikipedia/commons/thumb/c/c0/Der_erste_Schritt._Birmanische_Familiengruppe._Frau_im_Tamein._%28Phot._M._Ferrars.%29.jpg/640px-Der_erste_Schritt._Birmanische_Familiengruppe._Frau_im_Tamein._%28Phot._M._Ferrars.%29.jpg)
У сучасным беларускім грамадстве выхаванне накіравана на фармаванне грамадзяніна Беларусі - вольнай, незалежнай, нацыянальна свядомай, духоўна багатай і фізічна здаровай асобы, здольнай будаваць самастойную дзяржаву і абараняць яе суверэнітэт.