From Wikipedia, the free encyclopedia
Вуліца Энгельса — вуліца ў цэнтральнай частцы Брэста. Працягласць каля 500 м — ад плошчы Леніна да вуліцы Наганава Названа ў гонар Фрыдрыха Энгельса. Гістарычныя назвы — Ваяводская і сквер Э. Ажэшка (1921—1939), вуліца імя Энгельса (1939—1941), Блюмэнштрасэ (ням. — Кветкавая, 1941—1944), з 1944 г. — зноў Энгельса. Забудоўвалася ў 1920-х гг., у пасляваенны перыяд рэканструявалася і добраўпарадкоўвалася.
Вуліца Энгельса Брэст | |
---|---|
Агульная інфармацыя | |
Краіна | Беларусь |
Рэгіён | Брэсцкая вобласць |
Горад | Брэст |
Ранейшыя назвы | Ваяводская, сквер Э. Ажэшка, Блюмэнштрасэ |
![]() |
У забудове вуліцы пераважаюць 1-павярховыя дамы-асабнякі. На левым боку пабудаваны 9-павярховы жылы дом. Да гэтага боку вуліцы прымыкае абласны грамадскі культурны цэнтр. На правым боку — будынак Брэсцкага гарадскога выканаўчага камітэта (вул. Энгельса, 3), сквер.
На доме № 12 — мемарыяльная дошка ў гонар Героя Савецкага Саюза Мікалая Цімафеевіча Сушанава — удзельніка Арлоўска-Курскай бітвы, фарсіравання Дняпра, кавалера ордэнаў Леніна, Чырвонага Сцяга, Чырвонай Зоркі і некалькіх медалёў. У 1943—1944 гг. ён ваяваў у тыле ворага ў складзе Брэсцкага партызанскага злучэння і камандаваў дыверсійнай ротай.
З усходу перспектыву вуліцы замыкае помнік Леніну, з захаду — СШ № 9. На вуліцы Энгельса таксама размяшчаюцца ТАА «Буг-1 Лізінг», КУМПП «Брэсцкая гарадская ЖКГ».
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.