From Wikipedia, the free encyclopedia
Вайна з наркотыкамі на Філіпінах пачалася з прыходам да ўлады новага прэзідэнта Філіпін Радрыга Дутэртэ ў ліпені 2016 года[16]. Усяго за некалькі тыдняў з яе пачатку было забіта каля 2 тысяч чалавек[17], за некалькі месяцаў звыш 3,5 тыс. чалавек[18]. Да жніўня 2016 года, па заявах улад краіны, каля 600 000 наркагандляроў здаліся праваахоўным органам, каб не быць забітымі ў ходзе антынаркатычнай кампаніі ўрада[16].
Вайна з наркотыкамі на Філіпінах | |||||||
---|---|---|---|---|---|---|---|
Дутэртэ паказвае дыяграму наркатычных рэчываў на прэс-канферэнцыі 7 ліпеня 2016 года. | |||||||
| |||||||
Бакі канфлікту | |||||||
Урад Філіпін
Іншыя прыхільнікі: Падтрыманы: |
Наркаманы і наркадылеры | ||||||
Ключавыя фігуры | |||||||
* Прэзідэнт Радрыга Дутэртэ | |||||||
Страты | |||||||
92 забітыя(паліцыя і ваенныя)[11][12]
|
4,854 чал. памерлі ў афіцыйных паліцэйскіх аперацыях (па сцвярджэнні ўрада Філіпін)[13] 20,000 (па сцвярджэнні сенатара Антоніа Трыланеса)[14][15] |
Паводле інфармацыі заходніх СМІ, паліцыя і «народныя дружыны» актыўна ўжываюць пазасудовыя пакаранні ў дачыненні да меркаваных наркагандляроў[17][19]. Дзеянні ўлад Філіпін выклікалі жорсткую крытыку ААН, ЗША і Еўрасаюза за парушэнні правоў чалавека[20][21]. У адказ філіпінскі прэзідэнт Радрыга Дутэртэ зрабіў некалькі рэзкіх заяў у адрас ААН[22], ЗША[23] і ЕС[24][25], заклікаў не ўмешвацца ва ўнутраныя справы яго краіны і прыгразіў выйсці з ААН[26]. На фоне рэзкага пагаршэння адносін з Захадам Дутэртэ вырашыў змяніць прыярытэты знешняй палітыкі Філіпін, узяўшы курс на збліжэнне з Расіяй і Кітаем[27].
Для многіх краін Азіяцка-Ціхаакіянскага рэгіёна характэрна жорсткае заканадаўства ў дачыненні да наркотыкаў. У прыватнасці, за наркагандаль смяротнае пакаранне прадугледжана ў Інданезіі, Кітаі, В’етнаме, Сінгапуры, Малайзіі, Тайландзе[28]. У розны час у гэтых дзяржавах праходзілі маштабныя кампаніі па вайне з наркотыкамі. Так, у 80-я гг. XX стагоддзя хваля пазасудовых пакаранняў смерцю падазраваных у гандлі наркотыкамі пракацілася па Інданезіі, калі за два гады — з 1983-га па 1985-ы — былі забітыя тысячы чалавек. У 2003 годзе ў Тайландзе за адзін месяц антынаркатычнай кампаніі былі забітыя 1200 чалавек, 13 тысяч арыштаваныя і яшчэ 36 тысяч здаліся паліцыі[28][29].
У 2002 годзе прэзідэнт Філіпін Глорыя Макапагал-Ароя падпісала закон, які прадугледжваў узмацненне жорсткасці пакаранняў уладальнікам наркотыкаў, увёўшы смяротнае пакаранне за ўладанне 10 г гераіну ці 50 г метамфетаміну. Раней вышэйшая мера пакарання прадугледжвалася за захоўванне звыш 200 г метамфетаміну і 40 г гераіну. Гэты закон з’яўляўся часткай урадавай кампаніі, накіраванай на разгром наркабізнесу, які спрабаваў ператварыць Філіпіны ў рэгіянальны цэнтр распаўсюджвання наркотыкаў[30]. У 2006 годзе смяротнае пакаранне на Філіпінах была адменена[31][32].
У 2014 годзе з усіх канфіскаваных у краіне наркотыкаў 8,9 % прыпадалі на каноплі, а 89 % — на метамфетаміны[33]. За сваю папулярнасць сярод жыхароў Філіпін «шабу» — мясцовую разнавіднасць метамфетаміну — называлі «наркотыкам філіпінцаў». Першапачаткова ён вырабляўся толькі на Філіпінах і ў Інданезіі, аднак з часам геаграфія распаўсюджвання наркотыку пашырылася, дасягнуўшы Ірана і Еўропы[34]. У 2009—2014 гадах Філіпіны уваходзілі ў пяцёрку краін, куды з Лацінскай Амерыкі дастаўляўся какаін[35].
Па некаторых ацэнках, да 2016 года на Філіпінах налічвалася каля 3 мільёнаў нарказалежных, а ў бедных раёнах ад наркотыкаў залежыць да 35 % насельніцтва[36]. Пры гэтым кошт метамфетаміну на чорным рынку ўпала да 22 долараў за грам. Тым самым наркотык станавіўся ўсё больш даступным для шырокіх мас насельніцтва[36].
Барацьбу з наркагандлем тагальскі палітык Радрыга Дутэртэ пачаў яшчэ калі быў мэрам горада Даваа.
За 22 гады знаходжання на гэтай пасадзе ў Дутэртэ склаўся імідж непрымірымага змагара з арганізаванай злачыннасцю і наркагандлем. У перыяд яго працы на пасадзе кіраўніка горада было забіта больш за тысячу чалавек, якія, паводле звестак паліцыі, былі звязаны з крымінальным светам[37]. За свае метады барацьбы са злачыннасцю Дутэртэ атрымаў мянушку «Карнік»[38] (англ.: The Punisher[39]).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.