Вадзяны знак
From Wikipedia, the free encyclopedia
Вадзяны́ знак (таксама філігра́нь (ад італ.: filigrana ад лац.: filum нітка + лац.: granum зерне) — бачная выява або малюнак на паперы, які выглядае святлейшым пры праглядзе на прасвет (або цямнейшым пры праглядзе ў адлюстраваным святле на цёмным фоне). Вадзяны знак атрымліваюць ўцісканнем металічнага сеткаватага валіка або эгутэра (дэндыролі) у паперу ў працэсе яе вырабу. Малюнак вадзянога знака — лініі рознай формы, літары ці манаграмы, фігурныя малюнкі. Вывучэнне вадзяных знакаў мае важнае значэнне для правільнага датавання пісьмовых крыніц, вылучаецца ў асобную галіну палеаграфіі — філіграналогію.
![Thumb image](http://upload.wikimedia.org/wikipedia/commons/e/e7/%D0%92%D0%B0%D0%B4%D0%B7%D1%8F%D0%BD%D1%8B_%D0%B7%D0%BD%D0%B0%D0%BA_5_BYN.png)
![Thumb image](http://upload.wikimedia.org/wikipedia/commons/thumb/e/ec/Watermark_Crown_CA.jpg/320px-Watermark_Crown_CA.jpg)