Будынак Аляксандраўскай гімназіі (Гомель)

Будынак Аляксандраўскай гімназіі — помнік грамадзянскай архітэктуры гістарызму. Архітэктарская стылістыка будынку арыентаваная на рускі класіцызм.

Будынак
Будынак Аляксандраўскай гімназіі
52°25′56″ пн. ш. 31°00′14″ у. д.HGЯO
Краіна	Беларусь
Горад	Гомель
Архітэктурны стыль	рускі класіцызм
Архітэктар	С. Шабунеўскі
Будаўніцтва	1897—1898 гады
Статус	Гісторыка-культурная каштоўнасць Беларусі, шыфр 312Г000039шыфр 312Г000039
Медыяфайлы на Вікісховішчы

Гісторыя

Будынак класічнай гімназіі закладзены ў чэрвені 1897 годзе ў памяць аб расійскім імператары Аляксандры III. Пабудаваны ў 1898 годзе па праекце архітэктара С. Шабунеўскага на рагу вуліц Навікоўскай і Магілёўскай (сучасныя вул. Карповіча і вул. Кірава).

Бронзавая закладная дошка на пачатак работ па ўзвядзенні гімназіі захоўваецца ў Гомельскім абласным краязнаўчым музеі.

Архітэктура

Мураваны двухпавярховы П-падобны ў плане будынак. Буйныя чляненні галоўнага фасада і бакавых рызалітаў (больш высокія памяшканні на другім паверсе) надаюць будынку манументальнасць. Парадны ўваход галоўнага фасада вылучаны порцікам з элементамі карынфскага і дарычнага ордараў і завершаны трохвугольным франтонам. Сцены, аздобленыя ліштвамі, ляпнымі ўстаўкамі, цягамі, меандрам, завершаны багата дэкарыраваным фрызам і развітым прафіляваным карнізам. Вокны першага паверху прамавугольныя, другога — арачныя. Планіроўка калідорная з аднабаковым размяшчэннем класных памяшканняў. У цэнтральнай частцы па галоўнай восі парадны вестыбюль з трохмаршавай лесвіцай, абапал якой класныя і адміністрацыйныя памяшканні. У крыле, арыентаваным на вул. Кірава, размяшчаліся актавая і гімнастычная залы. У гады Другой сусветнай вайны часткова разбураны. Пры рэканструкцыі ў бакавых крылах надбудаваны трэці паверх (інжынер Р. Ханін).

У будынку размешчаны адміністрацыйна-навучальны корпус Беларускага інстытута інжынераў чыгуначнага транспарту.

Галерэя

• Гістарычныя выявы
• 
  З боку Новікаўскай вуліцы.
• 
  Ад Гімназічнай вуліцы.
• 
  Ад скрыжавання вуліц Магілёўскай і Аляксандраўскай.
• 
  Рог вуліц Магілёўскай і Аляксандраўскай.
• 
  Па Магілёўскай вуліцы.

• Сучасныя выявы
• 
• 
• 

Літаратура

• Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.

Спасылкі

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 312Г000039

• На Вікісховішчы ёсць медыяфайлы па тэме Будынак Аляксандраўскай гімназіі (Гомель)
• Будынак Аляксандраўскай гімназіі (Гомель) на сайце Radzima.org
• Будынак Аляксандраўскай гімназіі (Гомель) на сайце Глобус Беларусі (руск.)
• Исторический тур по БелГУТу: от мужской гимназии до университета Архівавана 23 лютага 2019.
• Будынак Аляксандраўскай гімназіі (Гомель) на сайце «Архіварта»