Бацішчова (Сафонаўскі раён)

Бацішчова (руск.: Батищево) — вёска ў Смаленскай вобласці Расіі, у Сафонаўскім раёне.

Вёска Бацішчова Краіна  Расія Суб’ект федэрацыі Смаленская вобласць Муніцыпальны раён Сафонаўскі раён Каардынаты 55°12′20″ пн. ш. 33°22′45″ у. д.HGЯO Першая згадка 1627 Плошча 0,52 км² Насельніцтва 26 чал. (2007)[1] Тэлефонны код 48142 Паштовыя індэксы 215556 Код АКАТП 66241870002 Бацішчова на карце Расіі ±

У гэтага тапоніма ёсць і іншыя значэнні, гл. Бацішчова.

Геаграфія

Размешчана ў цэнтральнай частцы вобласці за 10 км на паўночны ўсход ад Сафонава, у 7 км на паўднёвы ўсход ад прыпынкавага пункта 14 км на чыгуначнай галінцы Дурава — Уладзімірскі Тупік, у 4 км на поўнач ад аўтамагістралі M1, на беразе ракі Вялікая Вержа. Уваходзіць у склад Нікола-Пагарэлаўскага сельскага паселішча.

Гісторыя

Вядома прынамсі з 1627 года (згадваецца ў прывілеі польскага караля Жыгімонта III). Да 1861 года ў вёсцы 9 двароў і каля 100 жыхароў.

У пачатку XIX стагоддзя ёю валодаў дваранскі род Леслі. З 5 лютага 1871 года да сваёй смерці ў 1893 годзе тут у ссылцы ў сваім маёнтку жыў і працаваў вядомы навуковец — аграхімік А. М. Энгельгарт^[2]. У вёсцы знаходзілася яго вопытная гаспадарка, у якой ён укараніў незвычайную эфектыўную сістэму земляробства — пятнаццаціпольны севазварот. Сюды да Энгельгарта прыязджалі такія вядомыя навукоўцы, як П. А. Костычаў і У. І. Вярнадскі.

Пасля смерці Энгельгарта маёнтак набыло Міністэрства сельскай гаспадаркі, арганізаваўшы тут вопытную сельскагаспадарчую станцыю. Буйнамаштабныя працы разгарнуліся ў 1930-я гады, калі была створана «Заходняя абласная вопытная станцыя паляводства». У перыяд 1929—1941 гадоў працаўнікамі станцыі выведзена 11 высокакультурных гатункаў лёну; у 1937 годзе яна была ўзнагароджана ордэнам Працоўнага Чырвонага Сцяга; у 1940-я гады Смаленская вобласць давала дзясятую частку льновалакна ў краіне. Бацішчава было цалкам спалена ў гады Вялікай Айчыннай вайны, таму вопытная станцыя была арганізавана на новым месцы — у вёсцы Шокіна Кардымаўскага раёна (цяпер — у пасёлку Стадолішча Пачынкаўскага раёна).

Вядомыя асобы

У вёсцы нарадзіўся гвардыі старшы лейтэнант Аляксей Панасаў, які першы выявіў у маі 1945 года рэшткі Гітлера і Евы Браўн.

Славутасці

• Гарадзішча ў 1,5 км ад вёскі.

Зноскі

1. http://www.admin-safonovo.ru/doc/sxema/obosnovanie.doc

   <a href='https://wikidata.org/wiki/Track:Q127952542'></a>
2. Бацішчава // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.

Спасылкі

• Бацішчава / Энцыклапедыя Смаленскай вобласці
• Бацішчава / Культурная Спадчына Зямлі Смаленскай
• Бацішчава / Бацішчава ў лёсе А. Н. Энгельгарта і яго сям’і