![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/12/RomaForoTraianoBasilicaUlpia.jpg/640px-RomaForoTraianoBasilicaUlpia.jpg&w=640&q=50)
Базіліка Ульпія
From Wikipedia, the free encyclopedia
Базіліка Ульпія была грамадскім будынкам у Старажытным Рыме, размешчаным у форуме Траяна. Яна была названа ў гонар імператара Траяна, чыё поўнае імя было Марк Ульпій Траян.
![Thumb image](http://upload.wikimedia.org/wikipedia/commons/thumb/6/62/Basilica_Ulpia_J_Guadet_1867.jpg/640px-Basilica_Ulpia_J_Guadet_1867.jpg)
![Thumb image](http://upload.wikimedia.org/wikipedia/commons/thumb/1/12/RomaForoTraianoBasilicaUlpia.jpg/640px-RomaForoTraianoBasilicaUlpia.jpg)
Яна стала найважнейшай базілікай пасля двух старажытных, базілікі Эмілія і базілікі Юліі. З яе будаўніцтвам большая частка палітычнага жыцця перамясцілася з Рымскага форума на форум Траяна. Так працягвалася да будаўніцтва базілікі Максенцыя і Канстанціна.
У адрозненне ад пазнейшых хрысціянскіх базілік, яна не мела рэлігійных функцый; яна была створана для здзяйснення правасуддзя, гандлю і наведвання імператарам. Таксама яна была найбуйнейшай у Рыме, памерам 117 на 55 метраў.
Базіліка Ульпія складалася з вялікага цэнтральнага нефа з чатырма праходамі, падзеленымі шэрагамі калон і апсідамі ў канцах. Калоны і сцены былі з дарагога мармуру; дах, які ўзвышаўся на 50 метраў, была пакрыты пазалочанай бронзавай чарапіцай.
![Thumb image](http://upload.wikimedia.org/wikipedia/commons/thumb/7/72/Basilica_4.png/640px-Basilica_4.png)
Многія калоны ўсё яшчэ стаяць на сваім месцы, хоць большасць упала. Частка падмурка базілікі знаходзіцца зараз пад вуліцай Віа дэі Форы Імперыялі — шашой, пабудаванай пры Беніта Мусаліні. Увесь будынак быў упрыгожана трафеямі Дакійскай войны, якая праводзілася Траянам.
Пазней яна выкарыстоўвалася Канстанцінам як архітэктурны ўзор для планіроўкі новых хрысціянскіх цэркваў.