Афіцэрскія курсы БКА
From Wikipedia, the free encyclopedia
Афіцэрскія курсы БКА — курсы падрыхтоўкі афіцэраў для Беларускай краёвай абароны, якія дзейнічалі ў Мінску з сакавіка па чэрвень 1944 года і выкладаліся Францішкам Кушалем.
Першыя курсы пачаліся ў сярэдзіне сакавіка 1944 года. Слухачоў на іх было нават болей, чым разлічвалі — 50 афіцэраў і 200 унтэр-афіцэраў. У першай палове красавіка 1944 года, пасля сканчэння гэтых курсаў, усе яны здалі экзамен у прысутнасці фон Готберга. Пасля гэтага, у канцы красавіка 1944 года, былі адкрытыя другія курсы.
Аднак, акрамя перападрыхтоўкі афіцэраў і унтэр-афіцэраў, галоўнай задачай Мінскіх курсаў было, на думку кіраўніцтва Беларускай краёвай абароны, прыцягнуць на іх моладзь, якая яшчэ не служыла ў войску. Атрымаўшы згоду фон Готберга, Беларуская цэнтральная рада правяла адпаведныя прапагандысцкія дзеянні і, адначасова з трэцімі курсамі перападрыхтоўкі, у Мінску ў 15 чэрвеня 1944 года была адкрытая афіцэрская школа, у якую было прынята 250 кандыдатаў. Збольшага гэта былі дзецюкі са скончанай сярэдняй адукацыяй і амаль ўсе сябры Саюза беларускай моладзі. Іх навучанне павінна было цягнуцца шэсць месяцаў, пасля чаго яны б атрымалі першыя афіцэрскія званні. Але гэтаму не было наканавана збыцца, бо ўжо 29 чэрвеня 1944 года афіцэрская школа мусіла эвакуявацца з Мінска, каб не патрапіць пад удар наступальнай Чырвонай Арміі.
У ліпені 1944 года з Беларусі былі эвакуяваныя шматлікія нацыянальныя паліцыйна-ваенныя фарміраванні, у тым ліку афіцэрская школа БКА. Яны сканцэнтраваліся на тэрыторыі Усходняй Прусіі і Паўночнай Мазовіі, а ў верасні ўжо былі ў Берліне.
Вынікі дзейнасці
Усяго з сакавіка па чэрвень 1944 года на курсах у Мінску было перападрыхтавана каля 150 афіцэраў і 600 унтэр-афіцэраў. Паводле Кушаля, з ваеннага і палітычнага пункту гледжання, гэта былі вельмі добрыя афіцэры і унтэр-афіцэры, цалкам адданыя ідэі стварэння нацыянальных беларускіх узброеных сіл. Адзіным недахопам было тое, што іх было яўна замала, каб утварыць такія ўзброеныя сілы.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
