Атлант (стадыён, Наваполацк)

«Атлант» — футбольны стадыён у Наваполацку, Беларусь. З’яўляецца хатняй арэнай для футбольнага клуба «Нафтан», які выступае ў Першай лізе чэмпіянату Беларусі. Умяшчальнасць адзінай трыбуны на стадыёне складае 4 520 месцаў.

«Атлант»
Месцазнаходжанне	Беларусь, Наваполацк, вуліца Маладзёжная, 49а
Адкрыты	1970
Хатняя каманда	«Нафтан»
Умяшчальнасць	4 520[1]
Памеры поля	105×68 м
Пакрыццё	натуральнае

Гісторыя

Стадыён «Атлант» быў афіцыйна адкрыты ў 1970 годзе. З 1992 стадыён стаў прымаць матчы чэмпіянату Беларусі па футболе. У 2003 годзе на трыбунах былі ўсталяваныя пластыкавыя сядзенні, а ў 2009 каля галоўнай арэны з’явілася трэніровачнае футбольнае поле са штучным пакрыццём. У цяперашні час спартыўная арэна мае адну адкрытую трыбуну. Газон на стадыёне натуральны, усталявана электроннае табло. Памеры поля — 105×68 метраў. Падагрэў і штучнае асвятленне футбольнага поля адсутнічаюць.

Крыніцы

1. Афіцыйная ўмяшчальнасць стадыёна «Атлант»

Спасылкі

• Профіль стадыёна на fcnaftan.com(недаступная спасылка)