![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/94/Map_of_the_Pacific_region_%25D1%2581urrents_be.svg/langbe-640px-Map_of_the_Pacific_region_%25D1%2581urrents_be.svg.png&w=640&q=50)
Антарктычнае цыркумпалярнае цячэнне
From Wikipedia, the free encyclopedia
Антарктычнае цыркумпалярнае цячэнне (Цячэнне Заходніх вятроў) — паверхневае цячэнне ў Паўднёвым паўшар'і. Напрамак цячэння з захаду на ўсход паміж 40° і 55° паўднёвай шыраты, абкружае зямны шар, перасякаючы Атлантычны, Індыйскі і Ціхі акіяны, у якіх адпаведна адгаліноўваецца халодныя цячэнні Бенгельскае, Заходне-Аўстралійскае і Перуанскае. Працягласць да 30 тысяч км, шырыня каля 1000 км. Утвараецца ў паверхневым слоі пад уздзеяннем пераважных у гэтых шыротах заходніх вятроў. Стрыжань цячэння супадае з паўднёвым палярным фронтам, які аддзяляе адносна цёплыя воды паўднёвай часткі Атлантычнага, Індыйскага і Ціхага акіянаў ад халодных антарктычных вод.
![Thumb image](http://upload.wikimedia.org/wikipedia/commons/thumb/9/94/Map_of_the_Pacific_region_%D1%81urrents_be.svg/640px-Map_of_the_Pacific_region_%D1%81urrents_be.svg.png)
Скорасць 0,4-0,9 км/гадз. Тэмпература вады паверхневага слоя 12-15 °C у паўночнай частцы цячэння і 1-2 °C у паўднёвай. Салёнасць адпаведна ад 35 % да 34 %.
Зону цячэння Заходніх Вятроў з-за частых і моцных штормаў называюць «равучымі саракавымі» шыротамі.