Андалузскі сабака

«Андалузскі сабака» (фр.: Un chien andalou) — 16-хвілінны сюррэалістычны нямы фільм іспанскага рэжысёра Луіса Буньюэля і іспанскага мастака Сальвадора Далі. Першапачаткова быў выпушчаны да абмежаванага паказу ў Парыжы ў 1929 годзе, але, зрабіўшыся папулярным, заставаўся ў пракаце восем месяцаў. З’яўляецца адным з найбольш вядомых сюррэалістычных фільмаў «авангарду» 1920-х.^[2]

Андалузскі сабака
Un chien andalou
Жанр	эксперыментальны фільм[d] і нямое кіно
Рэжысёр	Луіс Буньюэль
Прадзюсар	Pierre Braunberger[d] Луіс Буньюэль Сальвадор Далі
Сцэнарыст	Сальвадор Далі Луіс Буньюэль
У галоўных ролях	Pierre Batcheff[d] Simone Mareuil[d] Луіс Буньюэль Сальвадор Далі Jaume Miravitlles[d]
Кампазітар	Вільгельм Рыхард Вагнер
Працягласць	16 хв.
Бюджэт	100 000 F
Краіна	Францыя
Мова	французская
Год	6 чэрвеня 1929[1] і 1929
IMDb	ID 0020530
Медыяфайлы на Вікісховішчы

У фільме адсутнічае сюжэт. Храналогія фільма разрозненая: пераход ад першай сцэны фр. Il etait une fois (бел. «Калісьці») да другой сцэны «Праз восем год» адбываецца без змены абстаноўкі і персанажаў. Па сутнасці, кінематаграфічнае апавяданне Буньюэля падпарадкоўваецца законам «логікі» сноў, у якіх глядзельныя выявы мяняюцца, не падпарадкоўваючыся рацыянальнай логіцы і храналагічнай паслядоўнасці, таму кінакрытыкі, што аналізуюць фільм, часта карыстаюцца тэрмінамі папулярнай у тыя гады тэорыі сноў Фрэйда.^[3]

Фактычна абвяргаючы розныя інтэрпрэтацыі фільма, Буньюэль у сваіх успамінах адзначаў, што адзіным правілам, якім яны з Далі карысталіся пры напісанні сцэнарыя, была забарона на «любыя ідэі або вобразы, якія маглі б мець рацыянальнае тлумачэнне».^[4] Акрамя таго, ён сцвярджаў, што «ў фільме няма нічога, каб нешта сімвалізавала. Адзіным метадам даследавання сімвалаў, магчыма, з’яўляецца псіхааналіз».^[5]

У ролях

• Луіс Буньюэль — Мужчына ў пралогу
• Сальвадор Далі — Малады мужчына на пляжы (у канцы фільма)
• Сімона Марэйль — Дзяўчына
• П’ер Батчэф — Мужчына

Зноскі

1. Person Profile // Internet Movie Database — 1990. Праверана 6 лістапада 2022.

   <a href='https://wikidata.org/wiki/Track:Q37312'></a>
2. Un Chien Andalou (нявызн.). Праверана 12 October 2010.
3. Luis Bunuel: Impossibility and Illusion (англ.)
4. Buñuel., Luis (1983). My Last Sigh. New York: Knopf. ISBN 0-394-52854-9. (англ.)
5. Sitney., P. Adams (1974). Visionary Film: The American Avant-Garde. New York: Oxford University Press. (англ.)

Спасылкі

• «Андалузскі сабака» на сайце «Internet Movie Database» (англ.)
• Андалузскі сабака на сайце «AllMovie» (англ.)