From Wikipedia, the free encyclopedia
Амерыканская футбольная канферэнцыя (АФК) (англ.: American Football Conference)) — адна з двух канферэнцый Нацыянальнай футбольнай лігі (НФЛ). Была створана ў 1970 годзе пасля зліцця НФЛ і Амерыканскай футбольнай лігі (АФЛ). Каманды Кліўленд Браўнс, Пітсбург Стайлерз і Балтымар Колтс, якія выступалі ў НФЛ, пагадзіліся перайсці ў АФК разам з 10 былымі камандамі з АФЛ. Астатнія каманды НФЛ сфарміравалі Нацыянальную футбольную канферэнцыю (НФК). Пасля зліцця да АФК далучыліся пяць новых каманд, дзве каманды пакінулі яе.
На дадзены момант у канферэнцыі выступаюць 16 каманд. Яны падзеленыя на чатыры дывізіёна: Усход, Поўнач, Поўдзень і Захад.
| Амерыканская футбольная канферэнцыя | ||||
| Дывізіён | Каманда | Стадыён | Горад, штат | |
|---|---|---|---|---|
| Усход | Бафала Білс | Ralph Wilson Stadium | Орчард Парк, Нью-Ёрк | |
| Маямі Долфінс | Sun Life Stadium | Маямі, Фларыда | ||
| Нью-Інглэнд Петрыотс | Gillette Stadium | Фоксбаро, Масачусетс | ||
| Нью-Ёрк Джэтс | MetLife Stadium | Іст-Ратэрфорд, Нью-Джэрсі | ||
| Поўнач | Балтымар Рэйвенс | M&T Bank Stadium | Балтымар, Мэрыленд | |
| Цынцынаці Бенгалс | Paul Brown Stadium | Цынцынаці, Агая | ||
| Кліўленд Браўнс | Cleveland Browns Stadium | Кліўленд, Агая | ||
| Пітсбург Стайлерз | Heinz Field | Пітсбург, Пенсільванія | ||
| Поўдзень | Х’юстан Тэксанс | Reliant Stadium | Х’юстан, Тэхас | |
| Індыянапаліс Колтс | Lucas Oil Stadium | Індыянапаліс, Індыяна | ||
| Джэксанвіл Джагуарс | EverBank Field | Джэксанвіл, Фларыда | ||
| Тэнесі Тайтанс | LP Field | Нэшвіл, Тэнесі | ||
| Захад | Дэнвер Бронкас | Sports Authority Field at Mile High | Дэнвер, Каларада | |
| Канзас-Сіці Чыфс | Arrowhead Stadium | Канзас-Сіці, Місуры | ||
| Окленд Рэйдэрс | O.co Coliseum | Окленд, Каліфорнія | ||
| Сан-Дыега Чарджэрс | Qualcomm Stadium | Сан-Дыега, Каліфорнія | ||
Па заканчэнні рэгулярнага сезона 6 лепшых каманд (чатыры пераможцы дывізіёнаў і 2 каманды па лепшым паказчыку перамог і паражэнняў) выходзяць у плэй-оф. У вырашальнай гульні канферэнцыі, званай «чэмпіёнскай гульнёй АФК», каманды разыгрываюць «Ламар Хант Трофі». Пераможца гэтага матча атрымлівае права прадстаўляць канферэнцыю ў Супер Боуле. Каманды АФК выйгравалі Супер Боўл 20 раз (прадстаўнікі НФК-21).
Аб’яднаная ліга стварыла новы лагатып для АФК, які ўзяў элементы старога лагатыпа Амерыканскай лігі, у прыватнасці літару «А» і шэсць зорак. Лагатып АФК у асноўным заставаўся нязменным з 1970 па 2009 год. У сезоне 2010 года НФЛ прадставіла абноўленую эмблему АФК. Змены закранулі колькасць зорак, якіх засталося чатыры (чатыры зоркі сімвалізуюць чатыры дывізіёны АФК), таксама зоркі былі перанесены ўнутр літары.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
