Аляксей Іванавіч Залескі

У Вікіпедыі ёсць артыкулы пра іншых людзей з прозвішчам Залескі.

Аляксей Залескі (нар. 7 кастрычніка 1994, Мінск) — беларускі футбаліст, абаронца жодзінскага «Тарпеда-БелАЗ».

Аляксей Залескі
Поўнае імя	Аляксей Іванавіч Залескі
Нарадзіўся	7 кастрычніка 1994(1994-10-07)[1] (30 гадоў) Мінск, Беларусь
Грамадзянства	Беларусь
Рост	179 см
Вага	74 кг[2]
Пазіцыя	абаронца
Інфармацыя пра клуб
Клуб	Тарпеда-БелАЗ
Нумар	13
Клубная кар’ера[* 1]
2010—2016 Дынама (Мінск) 2 (0) 2013—2014 →  Бяроза-2010 44 (0) 2015—2016 →  Слуцк 41 (1) 2017—2018 Віцебск 34 (0) 2018 →  Прамень (Мінск) 13 (0) 2019 Дняпро (Магілёў) 26 (5) 2020 Мінск 25 (0) 2021 Каспій (Актау) 22 (4) 2022 Тарпеда-БелАЗ (Жодзіна) 27 (1) 2023 Каспій (Актау) 9 (2) 2023— Тарпеда-БелАЗ (Жодзіна) 12 (0)
Нацыянальная зборная[* 2]
2010 Беларусь (да 17) 3 (0) 2012 Беларусь (да 19) 3 (0) 2013—2016 Беларусь (да 21) 24 (1)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 3 снежня 2023. Колькасць гульняў і галоў за нацыянальную зборную ў афіцыйных матчах, адкарэктавана станам на 7 верасня 2016

Старэйшы брат Аляксея, Андрэй, таксама з’яўляецца футбалістам.

Клубная кар’ера

З 2010 года пачаў выступаць за дубль мінскага «Дынама». У сезоне 2011 ужо дэбютаваў у асноўнай камандзе, калі ў двух апошніх турах выхадзіў у стартавым складзе дынамаўцаў. У 2012 годзе, аднак, ужо гуляў толькі за дубль.

У сакавіку 2013 года быў аддадзены ў арэнду клубу «Бяроза-2010»^[3]. За два гады здолеў замацавацца ў цэнтры абароны бярозаўчан.

У лютым і сакавіку 2015 года быў на праглядзе ў «Граніце» і «Слуцку», але не падышоў ніводнаму з клубаў^[4][5]. У сакавіку 2015 года зноў трэніраваўся з «Бярозай-2010», аднак у красавіку ўсё ж перайшоў у «Слуцк» на правах арэнды^[6]. Дэбютаваў у асноўнай камандзе «Слуцка» 3 мая 2015 года, выйшаўшы ў стартавым складзе ў матчы супраць «Граніта» (1:2). Неўзабаве здолеў замацавацца на пазіцыі цэнтральнага абаронцы. Па заканчэнні сезона вярнуўся з арэнды ў «Дынама»^[7].

У лютым 2016 года «Слуцк» дамовіўся з «Дынама» аб падаўжэнні арэнды на сезон 2016^[8]. У сезоне 2016 ужо быў асноўным цэнтральным абаронцам каманды. У снежні 2016 года вярнуўся з арэнды ў «Дынама»^[9].

У студзені 2017 года, пакінуўшы сталічны клуб, перайшоў у «Віцебск»^[10]. Пачынаў сезон 2017 у аснове каманды, гуляў на пазіцыях цэнтральнага і левага абаронцы, пазней стаў радзей з’яўляцца на полі. У ліпені 2018 года быў аддадзены ў арэнду мінскаму «Промню»^[11], дзе стаў часцей з’яўляцца ў стартавым складзе.

У студзені 2019 года па заканчэнні кантракта пакінуў «Віцебск»^[12] і далучыўся да «Промня» на трывалай аснове. У сакавіку 2019 года «Прамень» пераехаў у Магілёў у аб’яднаўся з мясцовым «Дняпром», Аляксей трапіў у склад аб’яднанай каманды. Быў асноўным абаронцам магілёўскага клуба, з 5 галамі стаў другім бамбардзірам каманды, аднак па выніках сезона 2019 «Дняпро» страціў месца ў Вышэйшай лізе.

У студзені 2020 года перайшоў у «Мінск»^[13], дзе стаў іграком стартавага складу. Па заканчэнні кантракта ў студзені 2021 года пакінуў «Мінск»^[14]. Пазней далучыўся да казахстанскага «Каспія» і ў сакавіку быў афіцыйна прадстаўлены ў якасці іграка клуба^[15]. Спачатку часцей выхадзіў на замену, пазней замацаваўся ў стартавым складзе каманды.

У студзені 2022 года вярнуўся ў Беларусь, стаўшы іграком жодзінскага «Тарпеда-БелАЗ»^[16]. Рэгулярна выхадзіў у стартавым складзе каманды. У студзені 2023 года па заканчэнні кантракта пакінуў Жодзіна^[17] і неўзабаве зноў стаў іграком «Каспія»^[18]. Пакінуў казахстанскі клуб у ліпені 2023 года^[19] і хутка вярнуўся ў «Тарпеда-БелАЗ»^[20]. У снежні 2023 года падоўжыў кантракт з жодзінскім клубам да канца сезона 2024^[21].

Міжнародная кар’ера

Выступаў за юнацкія зборныя розных узростаў. У 2013—2016 гадах — ігрок моладзевай зборнай Беларусі.

Дасягненні

• 03 Бронзавы прызёр чэмпіянату Беларусі: 2023
• Уладальнік Суперкубка Беларусі: 2024

Статыстыка выступленняў

Сезон	Дывізіён	Клуб	Краіна	Матчы	Галы
2010	дубль	Дынама		3	0
2011	Д1	Дынама		2	0
2012	дубль	Дынама		?	5
2013	Д2	Бяроза-2010		20	0
2014	Д2	Бяроза-2010		24	0
2015	Д1	Слуцк		17	0
2016	Д1	Слуцк		24	1
2017	Д1	Віцебск		21	0
2018 (1)	Д1	Віцебск		13	0
2018 (2)	Д1	Прамень		13	0
2019	Д1	Дняпро		26	5
2020	Д1	Мінск		25	0
2021	Д1	Каспій		22	4
2022	Д1	Тарпеда-БелАЗ		27	1
2023 (1)	Д1	Каспій		9	2
2023 (2)	Д1	Тарпеда-БелАЗ		12	0

Крыніцы

1. Aleksey Zaleskiy // Transfermarkt — 2000. Праверана 9 кастрычніка 2017.

   <a href='https://wikidata.org/wiki/Track:Q2449070'></a>
2. https://www.pressball.by/footballstat/aleksey_zaleski/
3. Защитник минского «Динамо» Алексей Залеский отдан в аренду «Березе-2010» (руск.)(недаступная спасылка). sportpanorama.by (6 сакавіка 2013). Архівавана з першакрыніцы 4 сакавіка 2016.
4. Тарас Петровский и Алексей Залеский не подошли "Граниту" (руск.). football.by (10 сакавіка 2015). Праверана 3 снежня 2023.
5. Шафранович, Залеский и Лапушенко покинули «Слуцк» (руск.)(недаступная спасылка). offside.by (6 сакавіка 2015). Архівавана з першакрыніцы 4 сакавіка 2016.
6. Футбол. Алексей Залеский, Сергей Геращенков и Дмитрий Еременко заключили соглашения со "Слуцком" (руск.)(недаступная спасылка). pressball.by (6 красавіка 2015). Архівавана з першакрыніцы 4 сакавіка 2016.
7. Зубович и Залеский расстались со "Слуцком" (руск.). football.by (1 снежня 2015). Праверана 3 снежня 2023.
8. «Слуцк» продлит аренду Залеского (руск.). by.tribuna.com.
9. Павел Демидчик и Алексей Залеский покидают команду (руск.)(недаступная спасылка). Афіцыйны сайт «Слуцка» (30 лістапада 2016). Архівавана з першакрыніцы 7 снежня 2016.
10. Алексей Залеский подписал контракт с "Витебском" (руск.). football.by (16 студзеня 2017). Праверана 3 снежня 2023.
11. "Витебск" отдал Алексея Залеского в аренду "Лучу" (руск.). football.by (18 ліпеня 2018). Праверана 3 снежня 2023.
12. "Витебск" расстался с Алексеем Залеским (руск.). football.by (2 студзеня 2019). Праверана 3 снежня 2023.
13. Алексей Залеский стал игроком "Минска" (руск.). football.by (13 студзеня 2020). Праверана 3 снежня 2023.
14. Пять игроков покинули «Минск» (руск.). Афіцыйны сайт «Мінска» (28 студзеня 2021). Праверана 3 снежня 2023.
15. Алексей Залеский продолжит карьеру в казахстанском "Каспии" (руск.). football.by (1 сакавіка 2021). Праверана 3 снежня 2023.
16. Алексей Залеский стал игроком "Торпедо-БелАЗ" (руск.). football.by (5 студзеня 2022). Праверана 3 снежня 2023.
17. Алексей Залеский расстался с "Торпедо-БелАЗ" (руск.). football.by (3 студзеня 2023). Праверана 3 снежня 2023.
18. Алексей Залеский подписал контракт с "Каспием" (руск.). football.by (13 студзеня 2023). Праверана 3 снежня 2023.
19. Алексей Залеский покинул "Каспий" (руск.). football.by (4 ліпеня 2023). Праверана 3 снежня 2023.
20. Алексей Залеский вернулся в Жодино (руск.). football.by (7 ліпеня 2023). Праверана 3 снежня 2023.
21. Алексей Залеский пролонгировал соглашение с "Торпедо-БелАЗом" (руск.). football.by (1 снежня 2023). Праверана 3 снежня 2023.