From Wikipedia, the free encyclopedia
Аб’яднаны рэвалюцыйны фронт (АРФ, RUF — англ.: Revolutionary United Front) — паўстанцкая групоўка, якая брала ўдзел у грамадзянскай вайне ў Сьера-Леонэ.
У 1990 годзе прыхільнікам Чарльза Тэйлара ўдалося зрынуць урад Ліберыі. Натхнёныя яго поспехам, група сьералеонцаў, якія гулялі раней важныя ролі ў Нацыянальным патрыятычным фронце Ліберыі[1], пад кіраўніцтвам Фадзея Санка, Абу Кану і Рашыда Мансарэя пры значнай дапамозе самога Чарльза Тэйлара стварылі Аб’яднаны рэвалюцыйны фронт. Спачатку групоўка карысталася папулярнасцю. Людзі былі абураныя карумпаванасцю ўлады і спадзяваліся на абяцаны справядлівы падзел прыбытку ад здабычы алмазаў.
Фадзей Санка не выканаў свае абяцанні аб справядлівасці ў размеркаванні даходаў ад здабычы алмазаў і выкарыстаў гэтыя грашовыя сродкі для ўзбраення сваёй арміі[2]. У 1997 годзе Рэвалюцыйны савет узброеных сіл здзейсніў дзяржпераварот і разам з АРФ стварыў хунту. Але хутка мяцежнікі былі выгнаны са сталіцы арміяй Нігерыі. У 2002 годзе групоўка прыпыніла антыўрадавую дзейнасць і стала палітычнай партыяй, праіснаваўшы да 2007 года.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.