Аблучанскі раён

Аблу́чанскі раён (руск.: Облу́ченский райо́н) — адміністрацыйна-тэрытарыяльная адзінка (раён) і муніцыпальнае ўтварэнне (муніцыпальны раён) у Яўрэйскай аўтаномнай вобласці Расіі. Адміністрацыйны цэнтр — горад Аблучча.

Аблучанскі раён
Герб
Краіна	Расія[1][2]
Уваходзіць у	Яўрэйская аўтаномная вобласць[3]
Адміністрацыйны цэнтр	Аблучча[4]
Дата ўтварэння	1945
Насельніцтва	▼23 573 чал. (2023)[5]
Плошча	13 300 км²
Афіцыйны сайт
Медыяфайлы на Вікісховішчы

Геаграфія

Паводле плошчы раён з’яўляецца найбуйнейшым у вобласці, размяшчаецца ў паўночнай і паўночна-заходняй яе частцы. На поўдні мяжуе з Бірабіджанскім, Ленінскім і Акцябрскім раёнамі ЯАВ, на поўначы і паўночным усходзе з Хабараўскім краем, на захадзе з Амурскай вобласцю і КНР.

Па цэнтральнай частцы раёна праходзяць Транссібірская магістраль і федэральная аўтамабільная траса М58 «Амур». Горны комплекс Малога Хінгана займае большую частку раёна. 2/3 тэрыторыі пакрыта лесам, пераважна хвойных парод.

Горны рэльеф раёна спрыяе фармаванню густой рачной сеткі. Найбольш буйныя рэкі, якія праходзяць па тэрыторыі раёна — Амур і яго прытокі: Біра, Біджан, Кульдур, Хінган, Вялікая Камянушка і Сутара.

Разведаны радовішчы жалезных (Кімканскае, Касцёнгіньскае і Сутарскае), марганцавых (Біджанскае) і алавяных руд, рассыпнога золата, брусіту (Кульдурскае радовішча). Крыніца мінеральных вод (Кульдурскі).

Зноскі

1. http://www.gks.ru/free_doc/2016/oktmo/tom8_oktmo.rar Праверана 2 кастрычніка 2016.

   <a href='https://wikidata.org/wiki/Track:Q26882286'></a>
2. Geographic Names Server — 2018.

   <a href='https://wikidata.org/wiki/Track:Q1194038'></a>
3. http://www.gks.ru/free_doc/2016/oktmo/tom8_oktmo.rar Праверана 6 кастрычніка 2016.

   <a href='https://wikidata.org/wiki/Track:Q26882286'></a>
4. http://www.gks.ru/free_doc/2016/oktmo/tom8_oktmo.rar Праверана 5 кастрычніка 2016.

   <a href='https://wikidata.org/wiki/Track:Q26882286'></a>
5. Численность населения Еврейской автономной области по городскому округу и муниципальным районам на 1 января 2023 года и в среднем за 2022 год (с учётом итогов ВПН-2020)