Унівэрсальны каардынаваны час
From Wikipedia, the free encyclopedia
Унівэрса́льны каардынава́ны час (па-ангельску: Coordinated Universal Time, UTC), Сусьветны час — аснова цывільнага часу, які адрозьніваецца на цэлую колькасьць сэкундаў ад атамнага часу і на дробавую колькасьць сэкундаў ад UT1.
UTC — спадчыньнік GMT (Грынвіцкі час). Новае імя было ўведзена, каб пазбавіцца ад назову вызначанага месца на Зямлі ў міжнародным стандарце. UTC грунтуецца на атамным адліку часу, а не на часе ў Грынвічы. Варта зьвярнуць увагу на тое, што UTC аднолькавы ўзімку і ўлетку. Таму для тых месцаў, дзе прыняты пераход на пэўны тэрмін да летняга часу, зрушэньне адносна UTC на гэты тэрмін зьмяняецца.