Сьцяг Нідэрляндаў

Сьцяг Нідэрля́ндаў — дзяржаўны сьцяг Каралеўства Нідэрлянды. Уяўляе сабой палотнішча, якое складаецца з трох гарызантальных палос чырвонага (верхняя), белага (сярэдняя) і сіняга (ніжняя) колераў. Суадносіны шырыні сьцяга да даўжыні — 2:3.

Сьцяг Нідэрляндаў
Нідэрлянды
Сьцяг Нідэрляндаў
Прапорцыі	3:2[d]
Прыняты	19 лютага 1937

Гісторыя

Першапачаткова сьцягам рэспублікі, афіцыйна зацьверджаным у 1599 годзе, стаў сьцяг прынца Аранскага зь яго радавымі колерамі: памяранцавым, белым і сінім. Перад тым марскія гёзы карысталіся 6-9 палоснымі сьцягамі з тым жа спалучэньнем колераў. Але ў 1630 годзе, з прычыны рэвалюцыйных узрушэньняў, памяранцавая манархічная паласа была замененая на чырвоную. Гэты сьцяг захаваўся ў якасьці дзяржаўнага нават пасьля абвяшчэньня Нідэрляндаў манархіяй у 1815 годзе.

Лічыцца, што замена на сьцягу памяранцавага колеру на чырвоны мела таксама практычнае значэньне: памяранцавы колер на марскіх сьцягах хутчэй выгарае, чым чырвоны. У дні сьвят памяранцавы вымпэл каралеўскай дынастыі па-ранейшаму паднімаецца над дзяржаўным сьцягам.