From Wikipedia, the free encyclopedia
Сьцяг Латвійскай ССР — рэспубліканскі сымбаль Латвійскай ССР — адной з рэспубалік СССР. Сьцяг зацьверджаны 17 студзеня 1953 году. У сувязі з распадам СССР, Сьцяг Латвійскай ССР быў скасаваны 19 лютага 1990 году.
З 25 жніўня 1940 году сьцягам Латвійскай ССР было чырвонае палотнішча са скарочанай назвай рэспублікі LPSR (Latvijas Padomju Sociālistiskā Republika), выявай сярпа і молата і пяціканцовай зоркі ў левым верхнім куце.
Дзяржаўны сьцяг Латвійскай Савецкай Сацыялістычнай Рэспублікі ўяўляе сабой прастакутнае палотнішча, якое складаецца зь пяці гарызантальна разьмешчаных каляровых палос: верхняй паласы чырвонага колеру, якія складаюць дзьве траціны шырыні сьцягу, двух белых і двух сініх што чаргуюцца паміж сабой хвалістых палос, якія паказваюць мора і складаюць адну траціну шырыні сьцягу. У верхнім куце чырвонай паласы палотнішча, у тронка, на адлегласьці адной пятай сьцягу ад тронка намаляваныя залатыя серп і молат і над імі чырвоная пяціканцовая зорка, апраўленая залатой аблямоўкай. Суадносіны шырыні сьцягу да яго даўжыні 1:2.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.