![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/67/Goldgriffspatha.jpg/640px-Goldgriffspatha.jpg&w=640&q=50)
Спата
From Wikipedia, the free encyclopedia
Спата (спатха) — доўгі двухбаковавостры меч. Вынайдзены кельтамі. Выкарыстоўваўся пераважна як зброя пешага байца, але, бо яны да таго часу ўжо авалодалі верхавою яздою, спата стала ўжывацца й коньніцаю галаў. А пазьней і рымскай коньніцаю, што асабліва зразумела, калі ўлічыць, што ў I стагодзьдзі да н. э. менавіта з галаў яна й складалася. Ад рымлянаў спата патрапіла на ўзбраеньне франкаў, якімі захоўвалася ў нязьменнасьці аж да VIII стагодзьдзя. Была папулярная ў германцаў у V стагодзьдзе.
![Thumb image](http://upload.wikimedia.org/wikipedia/commons/thumb/6/67/Goldgriffspatha.jpg/640px-Goldgriffspatha.jpg)
![Thumb image](http://upload.wikimedia.org/wikipedia/commons/thumb/5/59/Spatha_end_of_second_century_1.jpg/640px-Spatha_end_of_second_century_1.jpg)
Першапачаткова спата была мячом, які сячэ, з закругленым ці прастакутным канцом з даўжынёю клінка да мэтру. Кельты (галы) выкарыстоўвалі яе ў ладу (Цэзар. Цыдулкі пра гальскую вайну). Галы былі захоплены колючымі ўласьцівасьцямі глядыюсу й забясьпечылі спату лязом. Мадыфікаваная спата ўяўляла сабою параўнальна кампактны рубільна-колючы меч масаю да 2 кг, з клінком шырынёю 4—5 гл і даўжынёю ад 60 да 80 гл. Для страявога бою спата падыходзіла дрэнна, але спалучала вялікія магчымасьці вядзеньня індывідуальнага бою з выгодаю нашэньня й магла, у прынцыпе, з прычыны сваёй адносна невялікай вагі й нізка разьмешчанага цэнтра цяжару, выкарыстоўвацца вершнікам і без страмёнаў.