From Wikipedia, the free encyclopedia
Перапёлка звыча́йная (па-лацінску: Coturnix coturnix) — птушка сямейства фазанавых атраду курападобных.
Насяляе пераважна ўзьлескі, лясныя паляны, лугі, сельскагаспадарчыя палеткі. У Беларусі трапляецца ўсюды, найболей на поўдні. Пералётная птушка. Даўжыня каля 20 см, маса да 145 г. Апярэньне страката-бураватае. Хвост кароткі. Корміцца пераважна насеньнем расьлін і насякомымі. У шлюбны пэрыяд самцы такуюць. Нясе да 24 яек. Аб’ект спартовага паляваньня і разьвядзеньня (для атрыманьня яек). Яйкі перапёлкі маюць высокія дыетычныя якасьці, добра захоўваюцца ў гандлі.
Маюць далікатнае, тлустае мяса. Скубці належыць асьцярожна, каб не пашкодзіць скуру. Маладых перапёлак лепей пячы, старых тушыць (папярэдне замарынаваўшы на 2—3 дні ў сухім белым віне з карэньнямі). Худых рэкамэндуюць шпігаваць, тлусьцейшых можна запякаць у вінаградным лісьці, паліваючы топленым маслам (ня больш за 20 хвілін). Падаваць можна з рысам або макаронамі.
Сярэднявечныя навуковыя трактаты (асабліва арабскія і яўрэйскія) рэкамэндавалі ўстрымлівацца ад спажываньня перапёлак, спасылаючыся на шматлікія нібыта выпадкі атручваньняў — магчыма, таму што перапёлкі елі атрутныя для чалавека расьліны.
Вельмі папулярны пэрсанаж беларускага фальклёру.
Гэты артыкул створаны з дапамогай матэрыялаў з: Алесь Белы, праект «Наша ежа».
Перапёлка — сховішча мультымэдыйных матэрыялаў
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.