![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/09/Android_Foldable_Phones.jpg/640px-Android_Foldable_Phones.jpg&w=640&q=50)
Смартфон
мабільны тэлефон з функцыянальнасьцю партатыўнага кампутара / From Wikipedia, the free encyclopedia
Смартфон (анг. smartphone — «разумны тэлефон») — прылада, якая выконвае функцыі мабільнага тэлефону і кішэнёвага пэрсанальнага кампутару (КПК).
![Thumb image](http://upload.wikimedia.org/wikipedia/commons/thumb/0/09/Android_Foldable_Phones.jpg/640px-Android_Foldable_Phones.jpg)
![Thumb image](http://upload.wikimedia.org/wikipedia/commons/thumb/3/30/Android_Foldable_Smartphone.jpg/640px-Android_Foldable_Smartphone.jpg)
Галоўнай асабліваю рысаю смартфона зьяўляецца наяўнасць разьвітай апэрацыйнай сыстэмы. Гэта дазваляе практычна неабмежавана пашыраць функцыянальнасьць апаратаў, усталёўваючы праграмы, напісаныя староньнімі вытворцамі праграмнага забесьпячэньня. Смартфоны арыентаваныя на выкарыстаньне ў якасьці прылады галасавой сувязі, гэта зьяўляецца іхняй першачарговай мэтай. А ўжо магчымасьці працы з дадзенымі зьяўляюцца другаснымі. Гэта адрозьнівае іх ад камунікатараў і КПК, галоўны націск пры выкарыстаньні якіх робіцца менавіта на працу з дадзенымі. Падчас працы са смартфонамі часьцей за ўсё выкарыстоўваецца адна рука, у той час калі праца з КПК і камунікатарам патрабуе выкарыстаньня дзьвюх рук. Яшчэ адна асаблівасьць смартфону — наяўнасць SIM-карткі апэратара мабільнае сувязі, без якой смартфон (у большасьці выпадкаў) працаваць не будзе.