Калямбур

Калямбу́р — невялікі (часьцей у два ці чатыры радкі) гумарыстычны верш, пабудаваны на калямбурных, аманімічных ці амаграфічных рыфмах (або на тых і другіх адначасова). Вось прыклад каламбуру Н. Гілевіча:

Неяк раз са дна ракі

Падняліся ў неба ракі.

Вецер зьдзёр андаракі —

І памерзьлі небаракі.

У апошні час пачаў разьвівацца жанр так званага літаратурнага калямбуру:

Зь недапісаным раманам

Лез у клясыкі Раман.

Кажуць, і сыны Рамана

Пішуць той жа ўсё раман. (Хведар Жычка)

Літаратура

• Рагойша В. П. Паэтычны слоўнік. — 3-е выд., дапрац. і дапоўн. — Менск: Беларуская навука, 2004. — 576 с. — 2000 ас. — ISBN 985-08-0598-6
• Рагойша В. П. Тэорыя літаратуры ў тэрмінах. — Менск: Беларуская энцыклапедыя, 2001. — 384 с. — 1000 ас. — ISBN 985-11-0197-4