афіцыйная бачына КХЛ From Wikipedia, the free encyclopedia
Кантынэнта́льная хаке́йная лі́га (КХЛ) — міжнародная хакейная ліга. Створана ў 2008 годзе на базе расейскай супэрлігі (у адрозьненьне ад яе ліга сама праводзіць чэмпіянат, клюбы не пакідаюць лігу ў залежнасьці ад вынікаў чэмпіянату). На сёньняшні дзень у лізе ўдзельнічаюць 22 клюбаў, зь якіх 19 клюбы з Расеі і па адным зь Беларусі, Казахстану і Кітаю. Ліга праводзіць чэмпіянат КХЛ, які адначасова зьяўляецца адкрытым чэмпіянатам Расеі. Амаль усе клюбы КХЛ маюць свае фарм-клюбы ў Моладзевай хакейнай лізе.
Чэмпіянат складаецца зь дзьвюх частак: рэгулярнага сэзону і раўнду плэй-оф. Каманды падзеленыя на дзьве канфэрэнцыі (усходняя і заходняя), якія ў сваю чаргу дзеляцца на два дывізіёны. Пачынаецца сэзон матчам за Кубак Адкрыцьця паміж фіналістамі мінулага розыгрышу Кубка Гагарына.
Падчас рэгулярнага сэзону клюбы праводзяць па 2 матчы з кожным супернікам. У табліцах канфэрэнцыяў і агульнай табліцы чэмпіянату пераможцы дывізіёнаў (у чарзе, што адпавядае колькасьці набраных імі пунктаў) займаюць першыя месцы, астатнія месцы разьмяркоўваюцца без увагі на дывізіён. Найлепшая каманда рэгулярнага сэзону атрымоўвае Кубак Кантынэнту.
Па 8 найлепшых камандаў з кожнай канфэрэнцыі выходзяць у плэй-оф, пераможца якога атрымоўвае Кубак Гагарына і зьяўляецца чэмпіёнам КХЛ і чэмпіёнам Расеі. Унутры канфэрэнцыяў праходзяць сэрыі матчаў 1/4, 1/2 фіналаў і фінал канфэрэнцыі. Сэрыі гуляюцца да 4 перамогаў. Кожны год таксама гуляецца матч зорак.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.