![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ea/%25D0%2592%25D0%25B0%25D1%258F%25D0%25B2%25D0%25BE%25D0%25B4%25D0%25B7%25D1%2582%25D0%25B2%25D1%258B_%25D0%259F%25D0%25BE%25D0%25BB%25D1%258C%25D1%2588%25D1%2587%25D1%258B.png/640px-%25D0%2592%25D0%25B0%25D1%258F%25D0%25B2%25D0%25BE%25D0%25B4%25D0%25B7%25D1%2582%25D0%25B2%25D1%258B_%25D0%259F%25D0%25BE%25D0%25BB%25D1%258C%25D1%2588%25D1%2587%25D1%258B.png&w=640&q=50)
Ваяводзтва (Польшча)
найвышэйшая адміністрацыйна-тэрытарыяльная адзінка Польшчы / From Wikipedia, the free encyclopedia
Ваяво́дзтва (па-польску: województwo — воеву́дзтва) — найбуйнейшая адміністрацыйна-тэрытарыяльная адзінка Польшчы. Галава ваяводзтва (то бок губэрнатар) — Маршал ваяводзтва. Ваявода — прадстаўнік Рады Міністраў у ваяводзтве.
![Thumb image](http://upload.wikimedia.org/wikipedia/commons/thumb/e/ea/%D0%92%D0%B0%D1%8F%D0%B2%D0%BE%D0%B4%D0%B7%D1%82%D0%B2%D1%8B_%D0%9F%D0%BE%D0%BB%D1%8C%D1%88%D1%87%D1%8B.png/640px-%D0%92%D0%B0%D1%8F%D0%B2%D0%BE%D0%B4%D0%B7%D1%82%D0%B2%D1%8B_%D0%9F%D0%BE%D0%BB%D1%8C%D1%88%D1%87%D1%8B.png)
Ваяводзкае самакіраваньне вызначае палітыку рэгіёну, то бок займаецца пытаньнямі, якія ня могуць быць вырашаныя на ўзроўні павету. Гэта, перш за ўсё: раўнамернае разьвіцьцё эканомікі (гаспадаркі), выкарыстаньне новаўвядзеньняў рэгіянальных рынкаў, рацыянальная адукацыйная палітыка да ўзроўню ўнівэрсытэту, стварэньне прываблівых умоваў для інвэстараў (асабліва з уступам у Эўрапейскі Зьвяз).
Галоўным паказчыкам дзейнасьці ваяводзтва зьяўляецца эфэктыўнасьць кіраваньня, найлепшае выкарыстаньне рэгіянальнага патэнцыялу. Новыя ваяводзтвы павінны быць як мага болей (мінімум — некалькі мільёнаў жыхароў), валодаць большым эканамічным і арганізацыйным матэрыялам, а таксама навуковым патэнцыялам, асабліва ў пытаньнях інавацыяў (вышэйшыя школы і навукова-прыкладныя інстытуты), валодаць культурным і творчым патэнцыялам.