From Wikipedia, the free encyclopedia
Бастыённы замак — абарончае збудаваньне Новага часу, умацаванае з дапамогаю бастыённых фартыфікацыяў рознага тыпу. Ад ранейшых замкаў бастыённыя замкі перанялі іх сацыяльную, вайсковую і адміністрацыйна-палітычную ролю, аднак значна адрозьніваюцца ад іх прынцыпам арганізацыі абароны.
Азначэньне «бастыённы замак» або «zamek bastionowy», распрацаванае польскімі навукоўцамі, адначасова і вельмі слушнае, і, відаць, даволі простае па паходжаньні: мадэрнізаваныя з дапамогаю бастыённай сыстэмы замкі атрымалі прыметнік «бастыённы». Бачна, з аднаго боку, вельмі моцная традыцыя замкавага будаўніцтва і трываласьць найменьня, зь іншага боку — разуменьне пэўнага адрозьненьня новых «замкаў» ад ранейшых.
У архітэктурным пляне між замкамі і замкамі бастыённымі мала агульнага: параўнайце Наваградзкі замак і Гальшанскі замак, у адным выпадку прасла сьцяны зь пяцю вежамі і форбургам па пэрымэтры і невялікі гатычны палац, прыбудаваны з унутранага боку адной зь сьценаў, у іншым — палац хаця і зь некаторымі абарончымі рысамі, аднак цалкам аддзелены ад бастыённага абарончага комплексу. Такія назвы, як Нясьвіскі замак або Гальшанскі замак, варта лічыць традыцыйнымі, і пры дакладным узгадваньні тыпу зьвяртаць увагу на іх адрознасьць ад клясычных фэадальных замкаў.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.