Яўген Яблонскі (нарадзіўся 10 траўня 1995 году) — беларускі футбаліст, паўабаронца грэцкага клюбу «Астэрас» і нацыянальнай зборнай Беларусі.
| Яўген Яблонскі | ||
 | ||
| Пэрсанальная інфармацыя | ||
|---|---|---|
| Нарадзіўся | 10 траўня 1995[1][2][3] (29 гадоў) | |
| Рост | 182 см | |
| Вага | 82 кг[4] | |
| Пазыцыя | паўабаронца | |
| Клюбная інфармацыя | ||
| Клюб | Астэрас Трыпаліс | |
| Нумар | 5 | |
| Клюбы | ||
| Гады | Клюб | Гульні (галы)¹ |
| 2014—2021 | БАТЭ | 181 (10) |
| 2022—2023 | Арыс Лімасол | 40 (0) |
| 2024— | Астэрас Трыпаліс | 24 (4) |
| Зборныя | ||
| 2013 | Беларусь (да 19)[d] | 3 (0) |
| 2014—2016 | Беларусь (да 21) | 28 (3) |
| 2019— | Беларусь | 41 (3) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
Клюбная
Пачаў займацца футболам у ігуменскай ДЮСШ. Пазьней перабраўся ў менскую школу «Зьмена», адтуль — у Барысаўскую дзяржаўную абласную вучэльню алімпійскай рэзэрвы. З лета 2012 году пачаў выступаць за дубль барысаўскага БАТЭ. У сэзоне 2013 году стаў адным з асноўных гульцоў дублю. 29 чэрвеня 2014 году дэбютаваў у асноўнай камандзе БАТЭ, выйшаўшы ў стартавым складзе ў матчы супраць «Белшынай». У першым жа матчы ў аснове адзначыўся галявой перадачай. У кастрычніку 2014 году ўжо трывала замацаваўся ў цэнтры паўабароны барысаўскага клюбу. 27 кастрычніка 2014 году пацэліў свой першы гол у чэмпіянаце Беларусі ў браму жодзінскага Тарпэда-БелАЗ».
У лютым 2015 году падоўжыў кантракт з барысаўчанамі[5]. У 2015—2016 гадах трывала гуляў у асноўнай камандзе, а ў сэзоне 2016 годзе часам выкарыстоўваўся на пазыцыі цэнтральнага абаронцы. У сэзоне 2017 году спачатку гуляў у стартавым складзе барысаўчан у якасьці цэнтральнага абаронцы, пазьней страціў месца ў аснове. У сэзоне 2018 году вярнуў месца ў стартавым складзе. У сьнежні 2018 году склаў новы кантракт з БАТЭ[6]. Наступным сэзоне замацаваўся ў якасьці аднаго з асноўных гульцоў каманды. У верасьні 2019 году зноўку падоўжыў пагадненьне з клюбам[7]. У 2020—2021 гадах заставаўся трывалым гульцом стартавага складу, дапамагаў барысаўчанам здабыць срэбраныя мэдалі чэмпіянату і два Кубкі Беларусі, у сэзоне 2021 году быў прызнаны найлепшым паўабаронцам чэмпіянату Беларусі.
У студзені 2022 году па заканчэньні кантракту пакінуў барысаўскі клюб[8] і ў хуткім часе падпісаў пагадненьне на 2,5 гады з кіпрскім «Арысам»[9].
Міжнародная
25 студзеня 2014 году дэбютаваў у моладзевай зборнай Беларусі ў матчы супраць зборнай Казахстану на Кубку Садружнасьці ў Санкт-Пецярбурзе. Пазьней замацаваўся ў якасьці асноўнага апорнага паўабаронцы зборнай, правёўшы за яе 28 матчаў і забіўшы 3 голы. 6 верасьня 2019 году дэбютаваў у нацыянальнай зборнай Беларусі, адгуляўшы ўсе 90 хвілін у адборачным матчы чэмпіянату Эўропы супраць зборнай Эстоніі.
Палітычныя погляды
Падпісаў адкрыты ліст спартовых дзеячаў краіны, якія выступаюць за дзейную ўладу Беларусі пасьля здушэньня народных пратэстаў у 2020 годзе[10].
Дасягненьні
БАТЭ:
- Чэмпіён Беларусі: 2015, 2016, 2017, 2018
- Уладальнік Кубка Беларусі: 2015, 2020, 2021
- Уладальнік Супэркубка Беларусі: 2015, 2016, 2017
«Арыс»:
- Чэмпіён Кіпру: 2023
Статыстыка
| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| БАТЭ | 2015 | Найвышэйшая ліга | 20 | 0 |
| 2016 | Найвышэйшая ліга | 20 | 1 | |
| 2017 | Найвышэйшая ліга | 25 | 0 | |
| 2018 | Найвышэйшая ліга | 25 | 1 | |
| 2019 | Найвышэйшая ліга | 25 | 2 | |
| 2020 | Найвышэйшая ліга | 27 | 1 | |
| 2021 | Найвышэйшая ліга | 28 | 4 | |
Крыніцы
Вонкавыя спасылкі
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
