Юры Белазор

Юры Белазор (? — 17 траўня 1665) — дзяржаўны й рымска-каталіцкі дзяяч Вялікага Княства Літоўскага. Біскуп смаленскі (1658—1661) і віленскі (ад 1661).

Юры Белазор

Вянява
Герб «Вянява»
Асабістыя зьвесткі
Нарадзіўся	1622
Памёр	17 траўня 1665 Белая, Берасьцейскі павет, Берасьцейскае ваяводзтва, Вялікае Княства Літоўскае, Рэч Паспалітая
Пахаваны	Касьцёл Сьвятых Станіслава і Ўладзіслава
Род	Белазоры
Бацькі	Крыштап Белазор Ядвіга з Гедройцаў
Дзейнасьць	каталіцкі сьвятар, каталіцкі біскуп

Біяграфія

Прадстаўнік шляхецкага роду Белазораў гербу «Вянява», сын Крыштапа, старосты абельскага, і Ядвігі з Гедройцаў.

Скончыў Віленскую акадэмію, зрабіўся ксяндзом. Быў каралеўскім сакратаром, пісарам скарбовым літоўскім, канонікам віленскім, пробашчам капліцы Сьвятога Казімера ў Віленскай катэдры, рэгентам меншае канцылярыі ВКЛ (1650—1655), кусташам віленскім (ад 1652).

Вымушана падпісаў ад імя віленскае капітулы Кейданскую дамову 1655 году пра вунію ВКЛ і Швэцыі. У Верках у 1663 заклаў Віленскую Кальварыю як воту па вызваленьне бацькаўшчыны^[1]. За ахвяраваньні часткі скарбу капліцы Сьв. Казімера на патрэбы разбуранае па вайне краіны атрымаў прыхільнасьць Яна Казімера Вазы. Быў ініцыятарам адбудовы віленскае катэдры.

Крыніцы

1. Пазднякоў В. Белазоры // ВКЛ. Энцыкл. — Мн.: 2005 Т. 1. С. 299.

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 684 с. — ISBN 985-11-0314-4