Эксьлібрыс

Эксьлібрыс (па-лацінску: ex libris — з кніг) — наклейка зь імем і вобразнай выявай занятка ўласьніка кнігі ў спалучэньні з выслоўем на нутраным баку пераплёту. Зьявіўся ў Нямеччыне пасьля вынаходзтва кнігадрукаваньня^[1]. Выконваецца ў лінагравюры, цынка- або літаграфіі, афортам, аквацінтай, сухой іголкай па арганічным шкле^[2]. Таксама рыцінуецца на медзі, дрэве або ліноліюме. Адбітак такога кніжнага знака на карашку або крышцы пераплёту называецца супэрэксьлібрысам^[3]. Вылучаюць 3 віды паводле выгляду: 1) гербавы, 2) вэнзэлевы (ініцыялы), 3) сюжэтны (карціна).

Беларускія эксьлібрысісты

Беларускія мастакі пачалі займацца стварэньнем эксьлібрысаў з 1920-х гадоў. У 1970—80-я гады дзейнічаў «Беларускі клюб эксьлібрысістаў». Сярод найбольш плённых творцаў:

• Леанід Анцімонаў,
• Міхаіл Басалыга,
• Уладзімер Басалыга^[4],
• Зіновій Гарбавец,
• Аляксандар Грубэ,
• Павал Гуткоўскі,
• Генадзь Змудзінскі^[5],
• Арлен Кашкурэвіч,
• Яўген Красоўскі,
• Яўген Кулік,
• Мікола Купава,
• Яўхім Мінін,
• Георгі Паплаўскі,
• Мікола Рыжы,
• Уладзімер Савіч,
• Уладзімер Садзін,
• Мікола Селяшчук,
• Валер Славук,
• Аляксандар Тычына,
• Анатоль Тычына,
• Ігар Ціткоўскі,
• Генрых Ціхановіч^[6],
• Яўген Ціхановіч,
• Саламон Юдовін^[7].