Эгіпецкі кірмаш
From Wikipedia, the free encyclopedia
From Wikipedia, the free encyclopedia
Эгіпецкі кірмаш, таксама Эгіпецкі рынак, кірмаш прыправаў (па-ангельску: Spice Bazaar), Мысыр-чаршысы (па-турэцку: Mısır Çarşısı) — рынак, разьмешчаны ў старой частцы Стамбулу, у раёне Эмінёню; другі па велічыні кірмаш гораду пасьля Гранд-базару. На яго тэрыторыі знаходзіцца каля 80 крам, асноўны асартымэнт якіх складаюць прысмакі, вострыя прыправы і лячэбныя травы, спэцыі, далікатэсы з сухафруктаў і мяса, малочныя прадукты.
Базар быў пабудаваны ў 1660 годзе па загадзе Турхан-султан архітэктарам Казім-ага. Першапачаткова зьяўляўся часткай комплексу Новай мячэці, выконваючы функцыю забесьпячэньня фінансаваньня яе будаўніцтва. Будынак, пабудаванае ў форме люстрана-зваротнай літары L, налічвае шэсьць ўваходных варот. Купалы комплексу пакрытыя сьвінцом.
Першапачаткова называўся «новым», а таксама «матчыным» базарам. Пазьней атрымаў назву «эгіпецкага» — дзякуючы таму, што асноўная маса вострых прыпраў і спэцый таго часу пастаўлялася з Індыі ў Эўропу праз Эгіпет.
Эгіпецкі кірмаш двойчы цярпеў ад пажараў — У 1691 і 1940 гадах. Падчас работ па яго аднаўленьні 1940-1943 гадоў, комплекс страціў мноства сваіх арыгінальных дэталяў. У 1941 годзе ён быў аддзелены ад Новай мячэці пабудаванай дарогай.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.