Шлях моладзі (1929)

Шлях Моладзі
	Шлях Моладзі
Тэматыка	маладзёвы грамадзка-палітычны і літаратурна-мастацкі часопіс
Краіна	Польшча
Выдавец	Янка Багдановіч
Галоўны рэдактар
Дата заснаваньня	1929
Дата закрыцьця	1939
Мова	Беларуская
	Шлях Моладзі ў Вікісховішчы

«Шлях Моладзі» (1929 — верасень 1939) — моладзевы грамадзка-палітычны і літаратурна-мастацкі часопіс нацыянал-дэмакратычнага кірунку ў Заходняй Беларусі. Выданне знаходзілася пад уплывам Беларускай Хрысьціянскай дэмакратыі.

Хуткія факты Тэматыка, Краіна ...

Закрыць

Часопіс выдаваўся ў Вільні на беларускай мове (лацінкай і кірыліцай). Друкаваўся ў Беларускай Друкарні імя Франьцішка Скарыны, выдавецтве «Белпрэс».

Мэта — «змаганьне за незалежнасьць Беларусі і за паляпшэньне народнай долі шляхам абуджэньня моладзі да народнай сьвядомасьці, пашырэньня асьветы і культуры на вёсцы».

З 1938 выдаваўся штомесячны дадатак «Шлях беларускага студэнта».

Наклад асобных нумароў канфіскоўваўся польскімі ўладамі 14 разоў. Некалькі разоў рэдакцыя прыцягвалася да суду.

Аўтары

Рэдактары ў розныя гады: Мар’ян Пецюкевіч, Язэп Найдзюк, Янка Шутовіч. Выдавец Янка Багдановіч.

У склад рэдакцыйнай калегіі ўваходзілі Ізабэля Тумаш, Альфонс Шутовіч, Язэп Малецкі, Уладыслаў Тарасевіч.

На старонках часопісу пабачыла сьвет шмат твораў заходнебеларускіх пісьменьнікў і дзеячоў, т.я. Натальля Арсеньнева, Янка Брыль, Анатоль Бярозка, Зоська Верас, Янка Журба, Хведар Ільяшэвіч, Міхась Машара, Максім Танк, Валянцін Таўлай, Алесь Салавей, Сяргей Хмара.

Вонкавыя спасылкі

«Шлях Моладзі» (1929—1939) // Бібліятэка Акадэміі навук Літвы імя Урублеўскіх (па-летувіску: Lietuvos mokslų akademijos Vrublevskių biblioteka (LMAVB). Žygimantų g. 1, LT-01102 Vilnius)
З чаго сьмяяліся беларусы ў 1937 годзе // Наша ніва

Літаратура

Аляксандр Вабішэвіч. Шлях Моладзі // Энцыклапедыя гісторыі Беларусі. У 6 т. / Беларус. Энцыкл.; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 2003. — Т. 6. Кн. 2: Усвея — Яшын. — 616 с. — ISBN 985-11-0276-8