Фры́гія (па-старажытнагрэцку: Φρυγία) — старажытная гістарычная вобласьць і дзяржава на захадзе Малой Азіі.
![Thumb](http://upload.wikimedia.org/wikipedia/commons/thumb/3/33/Phrygia_map_be.gif/320px-Phrygia_map_be.gif)
Па сьведчаньню Герадота, фрыгійцы калісьці насялялі поўнач Балканскага паўвостраву і зваліся брыгамі. Сучасныя дасьледчыкі падзяляюць гэты пункт гледжаньня і лічаць, што фрыгійцы перасяліліся ў Малую Азію з Эўропы прыкладна ў 1200 г. да н. э. Відавочна, яны адыгралі значную ролю ў разбурэньні імпэрыі хэтаў. Большая частка фрыгійцаў асела ў горнай лясістай мясцовасьці на ўсход ад Лідыі і Карыі, якая і атрымала найменьне Фрыгіі. Яе галоўным цэнтрам стаў горад Гордыян.
Найхутчэй, фрыгійская дзяржава склалася ўжо ў канцы 2 тысячагодзьдзя да н. э., але набыла вялікі ўплыў у апошняй трэці VIII ст. да н. э., калі займала значную частку сучаснай Турэччыны. Аднак яна была саслаблена нашэсьцямі кімэрыйцаў. Падчас чарговага нашэсьця ў 696 г. да н. э. фрыгійскі валадар Мідас скончыў жыцьцё самагубствам. Каля 620 г. да н. э. фрыгійская дзяржава была разбурана кімэрыйцамі, а сама Фрыгія ўвайшла ў склад Лідыі.
Як гістарычная вобласьць Малой Азіі, Фрыгія ўзгадвалася да канца існаваньня Ўсходняй Рымскай імпэрыі. Яна адыгрывала вялікую культурную ролю ў жыцьці ўсяго Міжземнамор'я. Адсюль распаўсюдзіўся культ багіні-маці Кібэлі.
Вонкавыя спасылкі
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.