Фанэра

Фанэ́ра — ліставы драўляны слаісты матэрыял, атрыманы склейваньнем трох і болей слаёў шпоны з узаемна пэрпэндыкулярным напрамкам валокнаў драўніны ў сумежных лістах. Фанэру вырабляюць зь бярозы, вольхі, буку, елкі, хвоі, ясеню й інш. Склейваньне выконваюць сынтэтычнымі (фэнолфармальдэгіднымі, карбаміднымі й інш.) і прыроднымі (альбумінавымі, казэінавымі і інш.) кляямі.

Фанэра

Фанэры ўласьцівыя вялікая мэханічная трываласьць, адносна невялікая шчыльнасьць, значная меншая ў параўнаньні з драўнінай анізатропнасьць, магчымасьць вытворчасьці лістоў вялікай плошчы й памераў.

Выдзяляюцца паводле ўласьцівасьцяў:

• бакелітавая (водаўстойлівая),
• дэкаратыўная,
• прафіляваная,
• вогнеўстойлівая,
• арміраваная

і інш.

Выкарыстаньне

Фанэра выкарыстоўваецца ў будаўніцтве, вытворчасьці мэблі, авія- і суднабудаўніцтве, радыёэлектроніцы, вытворчасьці тары й інш.

Літаратура

• Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн.: БелЭн, 2003. — Т. 16. — С. 316—317. — 576 с. — 10 000 ас. — ISBN 985-11-0263-6 (Т. 16)

Вонкавыя спасылкі

Фанэра — сховішча мультымэдыйных матэрыялаў

• Черкасов И. К. Фанера // Вялікая савецкая энцыкляпэдыя  (рас.)