Улеб

Улеб — мужчынскае імя, вытворнае ад паўночнагерманскага (скандынаўскага) імя Олаф (Олаў, Улаф).

Uleifr
Паходжаньне
Мова(-ы)	германскія
Утворанае ад	Ano + Leifi
Іншыя формы
Варыянт(ы)	Олаф
Вытворныя формы	Аліхвер
Зьвязаныя артыкулы
якія пачынаюцца з «Улеб»

Паходжаньне

Асноўны артыкул: Імёны ліцьвінаў

Улеб — усходнеславянская форма паўночнагерманскага імя Óleifr (Uleifr, *AnulaiƀaR^[1][2])^[3]. Іменная аснова ан- (эн-) (імёны ліцьвінаў Энель, Янвін, Ангот; германскія імёны Enilo, Anoin, Angodus) паходзіць ад гоцкага *ana^[4], стараверхненямецкага ano 'дзед, продак'^[5], а аснова -леб- (-лейб-, -лейф-) (імя ліцьвінаў Глеб; германскае імя Gudleifr) — ад гоцкага laiba 'заставацца'^[6], стараісьляндзкага leifr 'нашчадак'^[7][8].

Варыянты імя ў гістарычных крыніцах: Мы от рода Рускаго, съли и гостье: Иворъ солъ Игоревъ великаго князя Рускаго… Оулебъ Володиславль… жены Улебле… купець… Олебъ (Аповесьць мінулых часоў)^[9]; Милошу Влебовичу озеро Переросли, што при Жикгимонъте держалъ (9 лістапада 1449 году)^[10]; imści panu Oleffowi kapitan-leytnantowi regimentu mego pieszego (20 красавіка 1719 году)^[11].

Носьбіты

• Улеб Ігаравіч († 971) — меркаваны сын кіеўскага князя Ігара Рурыкавіча
• Улеб Рагнвальдсон († па 1032) — сын Рагнвальда Ульфсона, пасадніка ў Ладазе
• Мілаш Улебавіч — літоўскі баярын, які ўпамінаецца ў 1449 годзе