Сьцяг Гібральтару заснаваны на выяве гербу Гібральтару, і ўяўляе сабой палотнішча белага і чырвонага колераў. Чырвоная паласа, памерам удвая вужэй за белую, разьмяшчаецца ўнізе; у цэнтры белай паласы разьмяшчаецца малюнак чырвонага трохвежавага замку. Кожная зь вежаў мае акно і дзьверы, з цэнтральных дзьвярэй на чырвонае поле зьвісае жоўты ключ. Суадносіны бакоў — 1 да 2.
![Thumb](http://upload.wikimedia.org/wikipedia/commons/thumb/0/02/Flag_of_Gibraltar.svg/640px-Flag_of_Gibraltar.svg.png)
![](http://upload.wikimedia.org/wikipedia/commons/thumb/3/32/FIAV_110000.svg/20px-FIAV_110000.svg.png)
![Thumb](http://upload.wikimedia.org/wikipedia/commons/thumb/c/ca/Flag_of_Gibraltar_above_the_Foreign_Office%2C_Gibraltar_National_Day_2018.jpg/640px-Flag_of_Gibraltar_above_the_Foreign_Office%2C_Gibraltar_National_Day_2018.jpg)
Гісторыя
![Thumb](http://upload.wikimedia.org/wikipedia/commons/thumb/0/0a/Government_Ensign_of_Gibraltar.svg/640px-Government_Ensign_of_Gibraltar.svg.png)
![](http://upload.wikimedia.org/wikipedia/commons/thumb/2/21/FIAV_000010.svg/20px-FIAV_000010.svg.png)
Сьцяг у цяперашнім выглядзе прыняты 8 лістапада 1982 году. Малюнак на сьцягу ідэнтычны малюнку на гербе Гібральтару, і, у адрозьненьне ад іншых калёніяў Вялікабрытаніі, у цяперашні час не ўтрымоўвае малюнкі брытанскага сьцягу. Герб жа Гібральтару быў падараваны гораду гішпанскай каралевай Ізабэлай Кастыльскай 10 ліпеня 1502 году, і з тых часоў у аснове сваёй не зьмяняўся. Замак на сьцягу не адлюстроўвае які-небудзь рэальны будынак, а хутчэй сымбалізуе Гібральтарскую скалу ў цэлым, адлюстроўваючы яе ў алегарычнай форме як ключ да Міжземнамор’я.
![Thumb](http://upload.wikimedia.org/wikipedia/commons/thumb/9/9b/Civil_Ensign_of_Gibraltar.svg/640px-Civil_Ensign_of_Gibraltar.svg.png)
![](http://upload.wikimedia.org/wikipedia/commons/thumb/1/18/FIAV_000100.svg/20px-FIAV_000100.svg.png)
З 1875 па 1982 год у якасьці афіцыйнага сьцягу калёніі выкарыстоўваўся так званы «сіні сьцяг» — сіняе палотнішча з «Юніён Джэкам» у крыже і гербам Гібральтару ў белым крузе. У цяперашні час падобны сьцяг (у якім герб нанесены непасрэдна на сіняе поле) выкарыстоўваецца на суднах, якія належаць ураду Гібральтара. Грамадзянскія судны, зарэгістраваныя ў Гібральтары, нясуць сьцяг, заснаваны на так званым «чырвоным сьцягу», які ўяўляе сабой чырвонае палотнішча са сьцягам Вялікабрытаніі ў крыже і гербам Гібральтару. Гэты сьцяг быў прыняты 19 сакавіка 1996 году. Сьцягам губэрнатара Гібральтара зьяўляецца сьцяг Вялікабрытаніі з гібральтарскім гербам у цэнтры.
Выкарыстаньне
![Thumb](http://upload.wikimedia.org/wikipedia/commons/thumb/f/fb/Flag_of_the_Governor_of_Gibraltar.svg/640px-Flag_of_the_Governor_of_Gibraltar.svg.png)
Сьцяг выкарыстоўваецца на тэрыторыі Гібральтара, часта сумесна са сьцягам Вялікабрытаніі. Так, у прыватнасьці, сьцяг разьдзімаецца на мяжы з Гішпаніяй, на вяршыні Гібральтарскай скалы і на ўрадавых будынках калёніі. Акрамя гэтага, сьцяг выкарыстоўваецца ў якасьці сымбаля гібральтарскага нацыяналізму, а таксама наогул у якасьці сымбаля гібральтарцаў.
Цікава, што падобны сьцяг выкарыстоўваецца ў якасьці сьцягу гішпанскага муніцыпалітэту Сан-Роке, заснаванага выхадцамі з Гібральтару, якія эмігравалі пасьля ўзяцьця горада ангельцамі ў 1706 годзе.
Глядзіце таксама
- Герб Гібральтару
- Гімн Гібральтару
Вонкавыя спасылкі
Сьцяг Гібральтару — сховішча мультымэдыйных матэрыялаў
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.