Стыў Ірвін

Стыў Робэрт Ірвін (22 лютага 1962 — 4 верасьня 2006) — папулярны аўстралійскі натураліст, тэлежурналіст і аўтар шматлікіх фільмаў аб жывой прыродзе. Уладальнік заапарка Australia Zoo у г. Бірва (Кўінзлэнд).

Стыў Ірвін
Stephen Robert Irwin
Дата нараджэньня	22 лютага 1962(1962-02-22)[1]
Месца нараджэньня	Upper Ferntree Gully[d], Вікторыя
Дата сьмерці	4 верасьня 2006(2006-09-04)[2][1] (44 гады)
Месца сьмерці	Batt Reef[d], Кўінзлэнд
Прычына сьмерці	страта крыві[d]
Месца пахаваньня	Аўстралійскі заапарк[d]
Занятак	сцэнарыст, тэлевядовец, журналіст, актор, абаронца вакольнага асяродзьдзя, бізнэсмэн, падарожнік-дасьледнік, герпетолаг
Навуковая сфэра	прырода
Бацька	Боб Ірвін[d]
Маці	Лін Ірвін[d]
Дзеці	Робэрт Ірвін[d] і Біндзі Ірвін[d]
Узнагароды	Queensland Australian of the Year award[d] (2004) зорка на галівудзкай «Алеі славы»[d]
Сайт	crocodilehunter.com (анг.)
Подпіс
Стыў Ірвін у Вікісховішчы

Стыў Ірвін падчас шоў у сваім заапарку

Біяграфія

Стыў Ірвін нарадзіўся ў аўстралійскім штаце Вікторыя ў 1962 годзе. Ягоны бацька стварыў парк гадаў у штаце Кўінзлэнд у 1970-я гады мінулага стагодзьдзя.

Стыў Ірвін пачынаў з таго, што зь дзяцінства лавіў кракадзілаў у навакольлях Кўінзлэнду для парка рэптыліяў яго бацькоў.

З 1991 году Стыў Ірвін працягнуў сямейны бізнэс і неўзабаве стварыў першыя сэрыі фільму «Паляўнічы на кракадзілаў» («The Crocodile Hunter»), які стаў папулярным у 120 краінах сьвету. Упершыню праграма «Паляўнічы на кракадзілаў» выйшла ў этэр у 1992 годзе. Стыў здолеў ператварыць свой імідж бясстрашнага і поўнага запалу аматара павывучаць фаўну ў блізкім кантакце ў гандлёвую марку, і яго сэрыял зь вялікім поспехам ішоў па канале Discovery.

Неаднаразова Ірвін трапляў у сытуацыі, калі ягонае жыцьцё літаральна вісела на валасінцы. У яго была вялікая колькасьць раненьняў, атрыманых пры кантактах з жывёламі.

Нягледзячы ні на што, Стыў Ірвін працягваў здымаць фільмы, сярод якіх таксама «Crok Files», «The Crocodile Hunter Diaries» («Дзёньнікі паляўнічага за кракадзіламі»).

4 верасьня 2006 году на здымках чарговай тэлеперадачы Стыў Ірвін трагічна загінуў, атрымаўшы сьмяротны ўдар ската-хвастакола ў вобласьць сэрца і лёгкіх.

Крыніцы

1. Steve Irwin // filmportal.de — 2005.
2. http://www.theage.com.au/articles/2006/09/04/1157222051494.html

Вонкавыя спасылкі

• Афіцыйны сайт тэлеперадачы «The Crocodile Hunter» і заапарка «Аўстралія»