Рацыянальны лік

Рацыяна́льны лік — лік, які можна прадставіць як адносіну двух цэлых лікаў або, інакш кажучы, гэта дроб, лічнікам і назоўнікам якога зьяўляюцца цэлыя лікі.

${\displaystyle r={\frac {a}{b}},a\in \mathbb {Z} ,b\in \mathbb {Z} }$

Дроб звычайна запісваюць так, каб назоўнік быў дадатным. Таму можна сказаць, што рацыянальны лік — гэта лік, які зьяўляецца адносінай цэлага і натуральнага ліку.

${\displaystyle r={\frac {a}{b}},a\in \mathbb {Z} ,b\in \mathbb {N} }$

Мноства рацыянальных лікаў уключае ў сябе мноства цэлых лікаў, бо любы цэлы лік можна прадставіць як дроб, лічнікам якога зьяўляецца ён сам, а назоўнікам — лік 1.

Мноства рацыянальных лікаў абазначаецца сымбалям ${\displaystyle \mathbb {Q} }$.