Раніца (Бэрлін)

Раніца (3 сьнежня 1939 — 21 сакавіка 1945) — беларуская грамадзка-палітычная газэта, выходзіла у Бэрліне. Пабачыла сьвет 235 нумароў.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Раніца (неадназначнасьць).

Раніца
Тэматыка	беларуская газэта ў Эўропе
Пэрыядычнасьць	1-4 разы на месяц
Краіна	Нямеччына
Заснавальнік	Фабіян Акінчыц, Анатоль Шкутка
Галоўны рэдактар	Фабіян Акінчыц, Мікола Шкялёнак, Вітаўт Тумаш, Станіслаў Грынкевіч-малодшы, Станіслаў Станкевіч
Дата заснаваньня	1939
Дата закрыцьця	красавік 1945
Мова	Беларуская

У розныя гады газэту рэдагавалі Фабіян Акінчыц, Мікола Шкялёнак, Вітаўт Тумаш, Станіслаў Грынкевіч-малодшы, Станіслаў Станкевіч.

Газэта задумвалася як выданьне для беларусаў ваеннапалонных польскага войска ў Нямеччыне. Хутка стала агульнай для беларусаў Заходняй і Цэнтральнай Эўропы.

Акрамя абавязковых артыкулаў фашыстоўскай прапаганды друкавала вартыя літаратурныя і гістарычныя працы. Напрыклад, у ёй былі надрукаваныя першыя вершы Ларысы Геніюш.

Крыніцы