Першая ліга чэмпіянату Чэхіі па футболе — найвышэйшы дывізіён сыстэмы футбольных лігаў Чэхіі. У спаборніцтве ўдзельнічаюць 16 клюбаў. Пасьля кожнага сэзону клюбы, якія занялі два апошнія месцы, выбываюць у нацыянальную лігу, а іхнае месца займаюць дзьве наймацнейшыя каманды першага дывізіёну. Дзейным чэмпіёнам зьяўляецца клюб «Спарта Прага». У кастрычніку 2016 году Футбольная асацыяцыя Чэскай Рэспублікі падпісала шасьцігадовы спонсарскі кантракт з чэскай букмекерскай канторай Fortuna. Адпаведна ўмоваў гэтага кантракту пачынаючы з сэзону 2018—2019 гадоў першая ліга чэмпіянату Чэхіі завецца Ліга Fortuna[1]. Ад сэзону 2018—2019 гадоў сэзоны працягваюцца зь ліпеня да траўня, кожная каманда праводзіць 30 гульняў. Каманды разьбіваюцца на тры групы, гуляюць міні-туры для вызначэньня выніковых пазыцый у чэмпіянаце. Зараз ліга займае 13-е месца ў рэйтынгу УЕФА.
| Першая ліга чэмпіянату Чэхіі па футболе | |
 | |
| Краіна |
 Чэхія |
|---|---|
| Канфэдэрацыя | УЭФА |
| Заснаваная | 1993 |
| Колькасьць камандаў | 16 |
| Вылет у | Нацыянальная ліга |
| Узровень ў пірамідзе | Узровень 1 |
| Хатнія кубкі | Кубак Чэхіі |
| Міжнародныя кубкі | Ліга чэмпіёнаў, Ліга Эўропы, Ліга канфэрэнцыяў |
| Дзейны чэмпіён | Спарта Прага — 14-ы тытул (2023—2024) |
| Найбольш пасьпяховы клюб | Спарта Прага — 14 тытулаў |
| ТБ-партнэры | ČT, O2 |
 Сэзон 2024—2025 гадоў | |
Гісторыя чэмпіянату Чэхіі па футболе пачалася напрыканцы XX стагодзьдзя. Яна была рэарганізаваная ў сэзоне 1993—1994 гадоў пасьля Аксамітнага развода, калі спыніла існаваньне Першая Ліга Чэхаславаччыны.
Ад самага пачатку ў першай лізе ўдзельнічалі 16 каманд. Спачатку сэзон працягваўся з жніўня да мая. Каманды праводзілі па 2 гульні з кожным з супернікаў: адну на сваім полі, адну на полі суперніка, у выніку атрымлівалася па 30 гульняў. У першым сэзоне за перамогу налічвалася 2 ачкі, у 1994 годзе была прынятая сыстэма трох ачкоў за перамогу[2]. За нічыю каманды атрымлівалі па адным ачку, за паразу ачкоў не налічвалася. Рэйтынг каманд складаўся паводле колькасьці набраных ачкоў, калі дзьве ці больш каманд набіралі аднолькавую колькасьць ачкоў, улічваліся сустрэчы каманд паміж сабой, падлічвалася колькасьць ачкоў ад гэтых гульняў, потым улічвалася розьніца галоў, потым колькасьць галоў. Дзьве каманды, якія набралі найменшую колькасьць ачкоў, вылятаюць у Нацыянальную лігу.
- Спарта Прага — 14 тытулаў
- Славія Прага — 7
- Вікторыя Пльзень — 6
- Слован Лібэрац — 3
- Банік Острава — 1
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
