Паўночна-Крымскі канал

Паўночна-Кры́мскі кана́л (ПКК, па-ўкраінску: Північно-Кри́мський кана́л (ПКК)) — арашальна-абвадняльны канал, пабудаваны ў 1961—1971 гадах для забеспячэньня вадой малаводных і засушлівых тэрыторый Хэрсонскай і Крымскай абласьцей Украінскай ССР з заборам вады з адмыслова пабудаванага ў ніжнім цячэньні Дняпра Кахоўскага вадасховішча, напоўненага ў 1955—1958 гадах.

Рака

Паўночна-Крымскі канал
па-ўкраінску: Північно-Кри́мський кана́л
Водазаборнае збудаваньне Паўночна-Крымскага каналу, Таўрыйск, у 800 м ад зрэзу Кахоўскага вадасховішча ў межах г. Таўрыйск
Агульныя зьвесткі
Каардынаты вусьця	46°45′55″ пн. ш. 33°23′40″ у. д.
Краіны басэйну	Украіна
Вобласьці	Аўтаномная Рэспубліка Крым, Рэспубліка Крым і Хэрсонская вобласьць
Даўжыня	402,6 км
Сярэднегадавы сьцёк	380 м³/с
Галерэя здымкаў у Вікісховішчы

Шырыня канала ў яго пачатку — 150 мэтраў, глыбіня — 7 мэтраў. Сярэднегадавы сьцёк — 380 м³/с (з гэтага аб’ёму звычайна 60-80 м³/с сыходзіла на сельскагаспадарчыя патрэбы паўднёвага захаду Хэрсонскай вобласьці, 300—320 м³/с — у Крым). Максымальна тэхналягічна магчымы сьцёк — да 500 м³/с (гэта складае 30 % сьцёку Дняпра ў яго ніжнім цячэньні, роўнага 1670 м³/с).

У красавіку 2014 году падача вады з Дняпра на Крымскі паўвостраў была перакрытая. 24 лютага 2022 году, падчас уварваньня ва Украіну, Хэрсонская частка каналу была ўзятая пад кантроль Расеяй, што стварыла магчымасьць аднаўленьня падачы вады ў Крым. 3 сакавіка вада з Дняпра паступіла ў Крым па Паўночна-Крымскім канале^[1].

Панарама пачатку каналу

Краявід некалішняга Кахоўскага вадасхвішча ды гідраэлектрастанцыі, адкуль пачынаўся канал

Крыніцы

1. Вода из Днепра начала заполнять Северо-Крымский канал в Крыму

Літаратура

• Тимченко З. Північно-Кримський канал. Історія будівництва // Історична правда. — 2014. — 13 трав.
• Зотиев А., Мохнощеков И. Канал изобилия. — Симферополь, 1964.  (рас.)
• Мы строим Северо-Крымский. — Симферополь : Таврия, 1982.  (рас.)

Вонкавыя спасылкі

Паўночна-Крымскі канал — сховішча мультымэдыйных матэрыялаў