Міхаіл Афанасьеў

Міхаіл Афанасьеў (нар. 4 лістапада 1986 году) — колішні беларускі футбаліст, паўабаронца. Таксама мае грамадзянства Казахстану^[4].

Міхаіл Афанасьеў
Пэрсанальная інфармацыя
Нарадзіўся	4 лістапада 1986(1986-11-04)[1][2] (38 гадоў) Менск, БССР, СССР
Рост	174 см[3]
Вага	74 кг[3]
Пазыцыя	паўабаронца
Клюбы
Гады	Клюб	Гульні (галы)¹
2001	Менск-2	6 (0)
2002—2004	БАТЭ	23 (5)
2005—2007	Партызан Менск	70 (9)
2008—2009	Амкар Перм	19 (2)
2010	Салют Белгарад[d]	19 (0)
2010	Кубань Краснадар	7 (0)
2011—2012	Дынама Менск	53 (6)
2013	Гомель	29 (3)
2014	Атыраў	27 (0)
2015	Шахцёр Салігорск	17 (2)
2016	Белшына	9 (2)
2016—2017	Тарпэда-БелАЗ	38 (5)
2018—2019	Факел	44 (5)
2019	Іслач	10 (0)
2020—2021	Тарпэда-БелАЗ	35 (1)
Зборныя
2004	Беларусь (да 19)[d]	3 (0)
2004—2009	Беларусь (да 21)	46 (11)

Кар’ера

Клюбная

Выхаванец менскай школы «Зьмена». Гуляў за БАТЭ і МТЗ-РІПА. У 2008 годзе перайшоў у пермскі «Амкар», пасьля гуляў у іншых расейскіх клюбах, як то за «Кубань» і «Салют».

У лютым 2011 году вярнуўся ў Беларусь, падпісаўшы кантракт зь менскім «Дынама». У сьнежні 2012 году пакінуў «Дынама» ў статусе свабоднага агента, а ў лютым 2013 году стаў гульцом «Гомля»^[5]. У «Гомлі» трывала выступаў у асноўным складзе, звычайна на пазыцыі правага паўабаронцы. Па заканчэньні сэзону 2013 году пакінуў «Гомель» і ў студзені 2014 году падпісаў кантракт з казаскім клюбам «Атыраў». У сакавіку 2014 году атрымаў грамадзянства Казахстану, дзякуючы чаму перастаў лічыцца легіянэрам у мясцовым чэмпіянаце^[6]. У студзені 2015 году пакінуў «Атыраў» па заканчэньні кантракту^[7] і неўзабаве падпісаў кантракт з салігорскім «Шахцёрам»^[8].

Пачатак сэзону 2015 году быў вымушаны прапусьціць праз траўму, вярнуўся на поле ў канцы траўня. Па вяртаньні быў асноўным правым паўабаронцам каманды, аднак па заканчэньні сэзону кантракт з гульцом было пастаноўлена не падаўжаць, і ў лістападзе 2015 году Афанасьеў пакінуў Салігорск^[9]. У студзені 2016 году далучыўся да складу «Белшыны»^[10]. У бабруйскім клюбе стаў выкарыстоўвацца на пазыцыі флянгавага абаронцы. У чэрвені 2016 году скасаваў кантракт зь «Белшынай»^[11] і неўзабаве далучыўся да складу «Тарпэда-БелАЗ»^[12]. У складзе жодзінскага клюбу быў асноўным правым паўабаронцам, у другой палове сэзону 2016 году забіў 5 галоў у чэмпіянаце Беларусі і гуляў у Лізе Эўропы. У студзені 2017 году падоўжыў кантракт з «аўтазаводцамі»^[13]. У сэзоне 2017 году засаваўся гульцом асноўнага складу, аднак па заканчэньні сэзону ў лістападзе 2017 году пакінуў «Тарпэда-БелАЗ»^[14].

У лютым 2018 году стаў гульцом расейскага «Факела»^[15]. Пакінуў каманду пасьля сэзону 2018—2019 гадоў у ліпені 2019 году і пачаў трэнавацца зь «Іслаччу», а неўзабаве падпісаў кантракт з гэтым клюбам^[16]. Спачатку гуляў у пачатковым складзе каманды, пазьней стаў выходзіць на замену. У сьнежні 2019 году па заканчэньні кантракту пакінуў «Іслач»^[17]. У студзені 2020 году зноў стаў гульцом жодзінскага «Тарпэда-БелАЗ»^[18]. Пачынаў сэзон 2020 году ў стартавым складзе жодзінцаў, але пасьля пераважна выходзіў на замену. У студзені 2021 году падоўжыў кантракт з клюбам^[19]. У сэзоне 2021 году радзей зьяўляўся на полі, выкарыстоўваўся як гулец ратацыі.

У пачатку 2022 году завяршыў кар’еру і перайшоў на пасаду трэнэра-адміністратара ў жодзінскім клюбе^[20][21]. У сьнежні 2023 году атрымаў трэнэрскую ліцэнзію катэгорыі B^[22].

Міжнародная

Быў капітанам моладзевай зборнай Беларусі. Уважаецца рэкардсмэнам моладзевай зборнай паводле колькасьці праведзеных матчаў і забітых галоў.

Дасягненьні

• Бронзавы прызэр чэмпіянату Беларусі: 2012, 2015, 2020

Статыстыка

Клюб	Сэзон	Чэмпіянат
		Дывізіён	Матчы	Галы
Шахцёр Салігорск	2015	Найвышэйшая ліга	17	2
Белшына	2016	Найвышэйшая ліга	9	2
Тарпэда-БелАЗ			15	5
	2017	Найвышэйшая ліга	23	0

Крыніцы

1. Mikhail Afanasjev // Transfermarkt (мн.) — 2000.
2. Mikhail Afanasyev // FBref (мн.)
3. https://www.teams.by/-/player-79/
4. Рудик, Афанасьев и Пархачев приняли казахстанское гражданство (рас.)
5. Футбол. Михаил Афанасьев подписал контракт с "Гомелем" (рас.) Архіўная копія ад 2013-02-04 г.
6. Рудик, Афанасьев и Пархачев приняли казахстанское гражданство (рас.)
7. Афанасьев и Пласконный покинули «Атырау» (рас.)
8. Михаил Афанасьев подписал контракт с "Шахтером" (рас.)
9. Футбол. Афанасьев, Чович и Мартынюк покинули солигорский "Шахтер" (рас.) Архіўная копія ад 2016-03-04 г.
10. Матвеенко, Булыга, Комаровский, Хачатурян и еще пять игроков подписали контракты с "Белшиной" (рас.)
11. Афанасьев, Комаровский и Хачатурян покинули "Белшину" (рас.) Архіўная копія ад 2 лютага 2024 г.
12. Хачатурян, Афанасьев, Луцевич и Загинайлов близки к переходу в «Торпедо-БелАЗ» (рас.)
13. Рекиш, Хачатурян и Афанасьев продлили контракты с "Торпедо-БелАЗ" (рас.)
14. Девять футболистов покинули "Торпедо-БелАЗ" (рас.)
15. Афанасьев стал одноклубником Рекиша в "Факеле" (рас.)
16. Афанасьев подписал контракт с "Ислочью" (рас.)
17. Футбол. Лайонел Адамс, Кирилл Сидоренко, Михаил Афанасьев и Дмитрий Рекиш покинули "Ислочь" (рас.) Архіўная копія ад 2019-12-13 г.
18. Афанасьев вернулся в "Торпедо-БелАЗ" (рас.)
19. Михаил Афанасьев продлил контракт с Торпедо-БелАЗ (рас.) Архіўная копія ад 8 лютага 2024 г.
20. Коломыц и Афанасьев вошли в тренерский штаб Молоша в "Торпедо-БелАЗ" (рас.)
21. Футбол. Михаил Афанасьев завершил игровую карьеру (рас.) Архіўная копія ад 2023-03-29 г.
22. Александр Глеб, Владимир Бушма, Павел Рыбак и другие получили тренерскую лицензию "В" (рас.)

Вонкавыя спасылкі

• Профіль на сайце Дынама Менск (рас.)
• Статыстыка «ПБ-Инфо» (рас.)