Міхаэль Гайніш

Міхаэль Гайніш (па-нямецку: Michael Hainisch; 15 жніўня 1858, Глёгніц, Аўстра-Вугоршчына — 26 лютага 1940, Вена, Аўстрыя) — аўстрыйскі палітык, другі прэзыдэнт Першай Аўстрыйскай Рэспублікі, якая паўстала пасьля скіданьня манархіі ў Аўстра-Вугоршчыне. Быў абраны на пасаду ў 1920 годзе.

Міхаэль Гайніш
па-нямецку: Michael Hainisch
2-і прэзыдэнт Аўстрыі
9 сьнежня 1920 — 10 сьнежня 1928
Прэм’ер-міністар:	Міхаэль Майр, Ёган Шобэр, Вальтэр Брайскі, Ігнац Зайпэль, Рудольф Рамэк
Папярэднік:	Карл Зайц
Наступнік:	Вільгэльм Мікляс
Асабістыя зьвесткі
Нарадзіўся:	15 жніўня 1858 Глёгніц, Аўстра-Вугоршчына
Памёр:	26 лютага 1940 (81 год) Вена, Аўстрыя
Партыя:	незалежны палітык
Сужэнец:	Emilie Auguste Figdor[d][1]
Маці:	Марыяна Гайніш[d]
Адукацыя:	Венскі ўнівэрсытэт Akademisches Gymnasium[d]
Узнагароды:	мэдаль Вільгэльма Экснэра[d] (1926) ганаровы доктар Венскага ўнівэрсытэту[d] honorary doctorate of the University of Natural Resources and Life Sciences, Vienna[d] (1927)
Міхаэль Гайніш у Вікісховішчы

Прэзыдэнцтва

Удзельнічаў у выбарах як незалежны кандыдант, пасьля абраньня ў 1920 годзе займаў прэзыдэнцкую пасаду 2 тэрміны да 1928 году, гэтак не прымкнуўшы да аніякай партыі.

У пэрыяд свайго прэзыдэнцтва працаваў на пераадоленьне той цяжкай сытуацыі, якая ўзьнікла ў Аўстрыі пасьля Першай сусьветнай вайны. Разьвіваў аграрны сэктар і турызм, асабліва ў Альпах, заахвочваў электрыфікацыю чыгунак. Ухваляў гандаль з памежнымі краінамі, як то Нямеччынай. Стаў абаронцам нацыянальных традыцыяў і культуры й ініцыятарам стварэньня закону аховы помнікаў. Гайніш быў ганаровым чальцом акадэміі навук.

У 1928 годзе асноўныя партыі прапанавалі ўнесьці папраўкі ў канстытуцыю дзеля таго, каб пераабраць Гайніша на трэці тэрмін. Фэдэральны канцлер Ігнац Зайпэль прапанаваў яшчэ адзін гадавы тэрмін для Гайніша, але той адмовіўся^[2]. Пасьля ён займаў пасаду міністра гандлю з 1929 па 1930 гады.

Міхаэль заўсёды падтрымліваў ідэі пангерманізму, таму ўхваліў аншлюс Аўстрыі нацысцкай Нямеччынай у 1938 годзе, як і многія ягоныя суайчыньнікі. Памёр у 1940 годзе, усяго праз год пасьля пачатку Другой сусьветнай вайны.

Крыніцы

1. Kindred Britain
2. Austria: Three-Room President. Time Magazine.

Вонкавыя спасылкі

Міхаэль Гайніш — сховішча мультымэдыйных матэрыялаў

• Міхаэль Гайніш. Hofburg.at  (ням.)
• Міхаэль Гайніш. AEIOU  (ням.)