Мамбаса

Мамба́са (па-ангельску: Mombasa) — узьбярэжны горад у Кеніі ля Індыйскага акіяну. Гэта была першая сталіца Брытанскай Усходняй Афрыкі, перш чым Найробі атрымала такі статус. Цяпер горад ёсьць цэнтрам Прыбярэжнай правінцыі і акругі Мамбаса. Гэта найстарэйшы горад у краіне і другі паводле колькасьці насельніцтва горад Кеніі пасьля Найробі^[1]. У той час як паводле стану на 2019 год жыхароў у Мамбасе налічвалася каля 1,2 млн чалавек, аглямэрацыя места з улікам прадмесьцяў сягала 3,5 млн чалавек^[2]. Выгаднае разьмяшчэньне гораду спрыяла ягонаму важнаму статусу яшчэ ў старажытнасьці. У XII стагодзьдзі Мамбаса была квітнеючым гандлёвым горадам. Яго ў 1151 годзе згадвае ў сваіх працах арабскі географ Аль-Ідрысі. Найстарэйшы каменны мячэт у Мамбасе быў пабудаваны каля 1300 году. У канцы дакаляніяльнага пэрыяду Мамбаса сталася залежнай ад рабскай працы. А на працягу раньняга сучаснага пэрыяду гарадзкі порт быў ключовым вузлом у складаных гандлёвых сетках Індыйскага акіяну. На сёньня горад зарабляе на турызьме, але гандаль працягвае гуляць значную ролю. Маецца ўласны аэрапорт.

Мамбаса
Герб Мамбасы Сьцяг Мамбасы
Дата заснаваньня:	1593
Краіна:	Кенія
Правінцыя:	Прыбярэжная
Акруга:	Мамбаса
Плошча:	294,7 ± 0,1 км²
Вышыня:	50 м н. у. м.
Насельніцтва:	▲1 208 333 чал. (2019)
Тэлефонны код:	041
Геаграфічныя каардынаты:	4°3′0″ пд. ш. 39°40′0″ у. д.
Мамбаса на мапе Кеніі Мамбаса
Галерэя здымкаў у Вікісховішчы
http://www.mombasa.go.ke/